السلام عليكم ورحمة الله وبركاتــه



حــال إدارة اليوفي حال إدارات كل العالم
ولكن ليس بمثل حال فرق الدوري الإيطالي ناصر..
لأن الإيطاليين بنهجهم يختلف كثيرا وكل ما يحصل للميلان هذا الموسم يعود لخبرة الرئيس ربما..
ومع كذا أقول مانحتاج لكل الخرابيط حقت الإيطاليين حطو مدرب فاهم وصدقني اليوفي مايحتاج أبدا هالخرابيط..

الحمدلله كل الفرق تعثرت في الكالتشيو
تعادل للمشترك
و الحمدلله بعد خسارة للميلان والفيولا
اليــوفي محظوظ ...
ولاننسى المباريات صعبه الجايه عليهم ممكن يتوقفون..
و من جد كونتي لازم نشكره وقف المتصدر

طبعا الإدارة بدأت بشيء معين وعليها أن تكمل مسيرتها بالشكل المطلوب..
صراحه في شوية تناقض خاصه في موضوع بناء الفريق ..
يعني أساسيات الفريق أن يبنى
ولكن أنا لا أرى البناء أبدا الفريق محتار ما بين الدخول بالمنافسه بقوه أو الاصطدام بالواقع المر

من الإشياء اللي عجبتني بطرحك ماشاءالله عليك ناصر
فعلا هو طريقة اليوفي في اتخاذ القرارات يعني مايكون على شخص واحد..
لازم الكل يناقش وبعدين يتم اتخاذ القرار يعني مستحيل بلانك بعد أي مباراة ..
كونه مايقدر يقول نلغي عقد المدرب لأنه ماعنده الصلاحيه
لازم تتم المشاورات واتخاذ القرارات ثم .. يأتي من بعد المناقشه ياسلام عليك ياناصر..

سيكو صديقك ..
صراحه أنا مني قوي في ناحية ادارة اليوفي ومالي خبرة عكسكم ماشاءالله عليكم...
أول ماشفت سيكو في الإدارة الموسمين الآخيره كنت أعرف وجهه ولكن مدري وين شفته..
إثره كان في الطاقم اللي يكون في الملعب ويكون له دور في التغيرات حقت الفريق
والآن أصبح يدير الانتقالات في الفريق..

صراحه اليوفي فترة النكسه كان يحتاج يبيع لاعبين وفي نفس الوقت
كنا عارفين أنه الفريق قادر على الصعود للسيريـا A
ولكن مانبخس حق سيكو سوى اللي عليه..
بيع موتو كان اجباري للماده
والرباعي اللي انباعو للإنتر و البرشه ..."كان النادي بحاجه للمادهـ "
فعلا الماده مطلوبه ذيك الفترة وبغض النظر عن ردت أفعال اللاعبين...

و أنا مثل ما قلت أنه الفريق موسم عن موسم يتطور..
أقصد سيكو موسم عن موسم يقدم أفضل والصفقات اللي في البدايه ماهي الا تكملة عدد بالنسبة لي
ممكن مثل ما قلت ودائما نتفق يا حظنا بسيسوكو وحتى مانينجر اختيارهم جا في وقته..

مودجي كان له صفقات غريبه بدون ذكر أسماء اللاعبين ..

مقارنة بالفترة اللي مر فيها الفريق أقدر أقول شكرا لسيكو فعلا

اللاعبين اللي توقعنا منهم الأفضل ولكن اتضح إنهم عاهات قيرقيرا صراحه غلطه كبيره..
ميلبيرق بقاءه أو خروجه لم يفرق معي لأنه شايب
ومثل ما علقتم إنتم جد هايدي فحنا محنا بحاجته و على الأقل كسب الفريق بإنتقاله المجاني مبلغ حتى لو لم يكن بالمطلوب لأنه ميلبرق ترى...!

آخر الصفقات :
أنا قريت تعليق أبو فهد..
صراحه كان في منافسة على أقل تقدير ديغو و ميلو..
كانافارو طموحه العوده لليوفي ولا كان بإمكانه الذهاب لنابولي لينهي مسيرته في فريقه السابق قبل اليوفي وبـارما..

ماركيو و زانيتي:
ناصر مايحتاج الكلام عليهم لأن الفريق ما يحتاجهم ماركيوني ما فادنا فعلا واصاباته كثرانه ولا هو فارق وجوده مثل عدمه ..
زانيتي أقل شيء نقول عشان عمره وعندنا كم هائل من اللاعبين بالوسط والدليل اصابات لاعبينا نلاقي بديل على طول..
والحين صار فيه مساحه ماركيزيو يلعب وصراحه ماركيزيو اساسي و لا زانيتي احتيـاط ويدخل وتجيه اصابه

أماوري:
اللاعب اللي بهرني وأبهر الجميع وتذكروا بدايته!!!
صراحه قلت بس لقينا اللاعب المقاتل الهداف اللي يخلص المباراة وحسينا أننا ما نحتاج تريزي.. عادي لو بعناه..!!
ولكن الصدمه الفتره هذي والله عكسسسسسس فرق السماء عن الأرض ..
الفلوس اللي اندفعت بأماوري أحسها كثيره ولكن ذيك الفترة مين كان اليوفي يجيب لاعبين.. أعتقد مافي أحد...

ناصر ودي أعلق على كل حرف كتبته صراحه روعه يا ريس وأنا ودي أرفع كلامك للمنتديات الإيطاليه اللي شابين في فريقهم لوول قمة العقل والإتزان ...

اليوفي لديه مشاكل تكتيكه ونفسيه الآن إذا كان ديغو ضيع بلنتي فهذي كارثه لأنه ممكن تكون عكسيه عليه لكن إن شاءالله يطلع من هالمرحلة بسرعه..
الحمدلله الأسبوع الجاي بنلعب ضد فريق أقل امكانيات بكثير
وإن شاء الله الفريق يطلع منها بسرعه ويفوز وينسينا الأيام اللي فاتت
.....
شكرا للجميع قراتسي ناصر