نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

leader ksa · #1 12/12/2009, 10:18 PM

بسم الله الرحمن الرحيم

كل عام وأنتم بخير

وإن شاء الله تكون السنة القادمة سنة خير على الجميع

أمس الجمعة الساعة 9:30 الليل جاني إتصال من رقم غريب والمكالمة غريبه بنفسها

المتصل: السلام عليكم

أنا: ياهلا وغلا وعليكم السلام

المتصل: كيف حالك طال عمرك

أنا: بخير جعلك بخير

المتصل: طال عمرك يمكن ماعرفتني أنا فلان بن فلان مدير مكتب ..... فالديوان الملكي

انا: بعد التنافض وبلعة الريق ياهلااااااا

المتصل: طال عمرك أنا اتصلت عليك بناء على القرار السامي من ..... برقم 1213/132 هـ خ ح ((بعض الاحيان أحس إن الأرقام طلاسم

)) مادري طال عمرك أحد خبرك بالقرار

أنا: لا والله ايش القرار إن شاء الله خير

المتصل: هأ هأ هأ >>ضحتكهم كذا

اكيد خير طال عمرك القرار اللي صدر برقم 1213/132 هـ خ ح ((>>اخلص لالعن خيرك ماني ناقص طبعا أقولها في نفسي

)) ... يقضي بتعينك وزير لوزارة ...... وأنا اتصل فيك عشان اخبرك بالقرار واعرف هل ترغب في المنصب ولالا عشان نرفع الامر لـ.......... إن كنت موافق على التعيين ويتم صدور القرار رسميا

أنا: لا ماعندي أي رغبة الصراحة ماقدر على تحمل المسؤلية

^^
طبعا مايحتاج إن القصة خيالية ولكن هالقصة تخيلتها لي لما سألني صديقي((اللي هي شخصيتي الثانية

)) و قال تخيل بمناسبة رجوع سلطان الخير يعينونك وزير وش بتسوي وش أول قراراتك ؟

انا كان جوابي سريع جدا اساسا من قالك اني راح اقبل اكون وزير ((>مسوي ميتين عليه

))

صديقي: تستهبل أنت وخشمك الحين أنت توك ماتخرجت من الجامعة ويعطونك هالمنصب وترفض اكيد عندك اسلاك مفصولة ادري جو الرياض اثر عليك من زمان ماشفت سحب

انا: لا والله جد ياخي أنا انسان ماعندي أي شي يعطيني الاحقية إني امسك وزارة مؤهلاتي التعليمية يمكن حتى ماتأهلني إني اتوضف فما بالك إني امسك وزارة

صديقي اللطيف: طيب ياغبي

هذا الاحسن لك انك داج وتمسك وزارة ياخي ليه تقنع نفسك بأنك فاشل انت عندك عقل وش يزود الوزراء عنك الا ان بعضهم مستغنين عن عقولهم

طيب اذا قالوا لك امسك منصب مثلا مدير وزارة او وكيل وزارة او المهم منصب مهم فالوزارة تقبل ولالا ولاتنسى ترى راح يكون لها مردود مادي كبير يمكن خلال سنة تجمع لك اللي يكفيك بقية حياتك >>لاأحد يفهم غلط

أنا: لا بالتأكيد انا ماعندي المؤهلات تفهم ولالا انا ماعندي اي شي استند عليه في منصبي ولاتنسى اني انا اذا سويت شي اما اسويه صح ولا مو لازم من الاساس ولاتنسى برضوة اني راح اتحمل هم شعب كامل في هالوزارة حتى لو الوزارة في دولة سكانها 100 شخص ماني مستعد صحيح مردود مادي بس ممكن بعدين ايوه ماعندي مشكلة لما يكون عندي مؤهلات لما عالاقل اكبر شوي واعقل

طبعا تخيلوا
لو صار لكم الاتصال طبعا حتى البنات تخيلوا هالشي بالظروف الحالية راح تقبلون ولالا ؟ واسبابكم.
في حالة انك وافقت على استلام منصب الوزير هل تشوف ان راح تنجح ولالا ؟ واعطينا نسبة متوقعة .
هل تشوف رفض الفكرة يعتبر عدم ثقة بالنفس او كما يقال رحم الله امرئ عرف قدر نفسه ؟

ملاحظة بسيطة
تراه اول موضوع ادري انه مادري وش يبي بس تحملوني تراني هلالي والله العظيم

.

لكم

+

.