نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - خيانة الكديش لـ بني عمهم :) .. وسجل يا تاريخ !! ولا يفوتك !!

أبـو زآيـد · #1 11/12/2009, 03:38 PM

بسم الله الرحمن الرحيم

نواف الهلالي يعود لكم من جديد

ألف ألف مبروك لكل الزعماء على الفوز الماحي والمستوى الصاحي والليلة الصبّاحي

والله ما تمنيت إلا إني بالرياض وأصير بالملعب لكن خيرها بغيرها

لأن والله مباراة مثل هذي ما تتفوت .. >>> 5 - 0 <<< .. سجل يا تاريخ

يعني أنا لما شفت إن حنا خلصنا الشوط الأول بهدفين ولا أحلى وشفت كالديرون مدرب الاتحاد

بدا يستخف دمه

ويطلع مدافع ويدخل مهاجم على باله إنه يلعب قدام الوطني ولا النصر

وقتها تأكدت إن لاعبينا بيقدرون ( يثأرون ) من مباراة سابقة ويجيبون الأربعة

لكن والله يوم جت الأربعة كأننا طمعنا شوي

قلنا نبيها تاريخية بالستة أو السبعة

وجاء الخامس وكان ياسر على الأقل يقدر يجيب هدف واحد لكن قدر الله وما شاء فعل .. ما نقول شيء

خمسة تمشي الحال ولو إنها تفشل قدام الرياجيل

عاد ترا ما لهم عذر ولا حجة يصرفون فيها ومسألة إن نور ما لعب أعتقد إن النادي اللي يعتبر نفسه كبير

المفروض ما يتأثر بغياب لاعب أو لاعبين !!

لكن على العموم يحمدون ربهم إن أبو كلبشه ما جاب ذاك الهدف ولا كان علوم كان كلبشوهم

جماهيرهم وحبسوهم بعشه من عشش الكرنتينه

خيانة الكديش

الشيء المعروف إن جمهور النصر يفرحون بخسارة الهلال أكثر من فرحهم بفوز فريقهم !! ولما يخسر الهلال

وخصوصا من الاتحاد تبدأ الرسايل عندهم تشتغل وتبدأ الأفراح والليالي الملاح ويتشمتون لين ما يلقون شيء

يتشمتون فيه مع إنه يمكن تلقى فريقهم وقتها بالمركز العاشر << وجيههم مغسوله بمرق !!

لكن وبعد ما ينهزم صديقهم الاتحاد شر هزيمه الآن اضحك بوجه أي فقراوي يبي يقولك أنا مالي دخل

أنا مانيب اتحادي أنا فقراوي << ما شاء الله الحين صرت فقراوي ولا عليك منهم ولا أمس قاعد تشمّت !!

ما أسرع ما هانت العشرة يا قليل الخاتمة وسحبت عليهم وتبرأت منهم في أول اختبار للصداقة !!

وين الصديق وقت الضيق يا خاين

ما نقول بس إلا اللهم لا شماته .. وخاب الصديق وخاب من صادقه .. ليس لشيء .. إنما لأنهم أعداء الزعيم

^^^^^
المقطوعة اللي فوق هذي قعد الكاتب يومين يحاول يطلعها

وهذا إن دل على شيء فإنما يدل على المواهب المدفونه

لا يفوووتك

لقطة تصدي العملالاق محمد الدعيع لـ تسديدة تبلغ سرعتها تقريبا 120 كيلو

أبهرت المحللين في قناة الجزيرة فاختارتها كأفضل لقطة في الجولة

أتوقع إن اللقطة هذي كافية للرد على المشككين واللي ينتهزون الفرص لتصفية الحسابات

مع أبو عبد العزيز سواء في جريدة الرياض أو غيرها

بإختصار كره لا يصدها إلا محمد الدعيع

قفلة

احتفالاً بقدوم الأمير سلطان .. الزعيم يسجل هدف بكل حرف
1. س
2. ل
3. ط
4. ا
5. ن

والاتحاديون يحمدون ربهم إن اسمه مهب عبد العزيز