نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ][ || EPL 15 || السيتيزن يستضيف تشلسي .. المانيو في ضيافة ويست هام ..القنرز أمام العنيد ستوك ..|| ][

IAN RUSH · #134 07/12/2009, 12:10 AM

يا شين اللي مسوي أنا حارس كبير وأنا ممتاز ياحبيبي إلا أنت أسطورة غير عادية أنت فريق بلحالك... فعلا حارس مع تقدم السنين يثبت أنه غير عادي يثبت إنه كلما تعتق صار أزين مثل الشراب

, لا فعلا هو صد بلنتي ضد برمنجهام وصد بلنتي ضد تشيلسي أمس وعلى من على لامبارد للمعلومية بس لامبارد من 2006 ضد تشارلتون على كارسون كان هذا آخر بلنتي ضيعه تخيلوا ثلاث سنين ماضيع وفعلا ماوقف الكبير إلا أعجوبة وفعلا نجم الجولة لاتيفيز ولا غيره .

ياخذ شكلك يا شيخ بآخر المباراة صحيتوا وين هالروح ببداية الموسم ... لكن الحق ينقال الفريق من مباراة الليفر وهو متحسن صحيح هزم قدام الليفر لكن قدم أفضل مستوى له بالدوري واليوم يواصل هالشيء لكن المدرب لو يشيل جو من الهجوم الفريق راح يتحسن أكثر وسمعنا بالأخبار إنهم راح يجيبون فورلان الصراحة ضربة معلم لو جاء .

ناصر الشمراني حق الكرة الإنجليزية

... لاعب همه الوحيد يصير الهداف ولا الفريق بحريقه كل المباراة قدام التوفيز وهو يشوت يعني إنني الهداف اللي مهجد حقين البريمر

بصراحة رغم إنه سجل هدف اليوم لكنه كان عالة بتضييعه لهجمات غريبه ... وقت المباراة كنت أشوفها وبجنبي أخوي اللي موب راعي كورة مرة يعني مايعرف وش توتنهام ولا إيفرتون يوم جاب المنسم كاهيل التعادل قالي وش هالدجاج ذولا

يقصد توتنهام عقبها ضحكت ضحك ... يعني حتى اللي ماله بالكورة يسمونكم دجاج يالدجاج

... حقيقة ما أشوف إنهم فريق يستحق الرابع هي بين الليفر إذا عاد ( الوضع يخوف ) أو السيتزن اللي بعد مباراة أمس أتوقع يرجعون يفوزون الله يستر منهم بس .

بمباراة الكابيتانو الــ 500 يصير اللي صار شيء يقهر الصراحة بعد مباراة التوفيز الأخيرة قلنا خلاص رجع الفريق لكن ليش المشاكل تصير لليفر بالشكل ذا وهذا خطأ من هل هو اللاعبين ولا الإدارة أو حتى رافا بصراحة الوضع عجيب والمشكلة اللي صايرة أكبر من روحة ألونسو ... جيرارد براسه لو يروح الفريق المفروض إنه مايتأثر كذا تحس اللاعبين مالهم غيرة على الشعار ... مليون علامة إستفهام على الليفر أنا مو مشجع لليفر أنا قد أميل لليفر أكثر من غيره لكن متابع للبريمر بشكل عام لكن اللي يصير لليفر غريب فعلا .

بنظري فريق الجولة هو ...

جيفن

ريتشارز ..... دان ..... توري ..... كولمان ( لاعب إيفرتون )

ميلنر ..... فابري ..... جيبسون ..... لارسون

تيفيز ..... دينداني

إضطريت أحط الأظهرة كلهم يمين لإن الإثنين كلهم قدموا مستوى خيالي وغير كذا مافيه أيسر كان بارز بصراحة .

بالتوفيق للإنجليز بالتشامبيونز وعقبال مايحقق الليفر البطولة السنة ذي

<<< يلعب على نفسه

موفقين شباب و شبابات

للي يحب الورد بس ....