السلام عليكم

اخواني الزعماء

بعد ان هدأت النفوس .. هارد لنا التعادل (بطعم) الخسارة

ولكن احبتي ابي كل محب لهذا الكيان العظيم انه يسأل نفسه سؤال

تتوقعون اللعبيه راضين عن التعادل؟ تتوقعون نفسيتهم عقب المباراة مو متأثره مثلنا واكثر؟؟

ابطالنا ماقصروا .. لعبو بروح وتكتيك عالي .. لكن خذلهم بعض اللاعبين بنزول في مستواهم ..

ناخذهم من اول الفريق ..

ابو عبدالعزيز .. ماشاء الله تبارك الله .. حضور طاغي على المستوى الفني والذهني حفظه الله لنا

الكوري .. ماقصر طوال المباراة ولكن وضح عليه الارهاق ونقص اللياقه في غلطه واحده وهي ضربة الجزاء وعدم التغطيه الصحيحه لفلافيو

اسامه .. فترة التوقف واضح تاثيرها عليه .. ولكن ماننسى دوره في الدفاع طوال 92 دقيقه

المرشدي .. ماقصر ولكن يعاب عليه البطء .. والتشتت الذهني .. والارتباك في تخليص الكور السهله ..

الزوري .. هذا اللاعب لديه امكانيات وقوة بدنيه .. ولكن يعاب عليه ايضا البطء والشروود الذهني واللعب بقدميه في اكثر الاوقات بدون التفكير ولا رفع رأسه ..

رادوي .. اشهد بالله هو الوحيد اللي شايل المحور امس بالحاله ...

الغنام ... لاعب جيد ولكن يعاب عليه البطء والارتباك وعدم المعرفه بكيفية تامين تسليم الكره لزملاءه .. والهدف الاول اكبر دليل ناهيك عن اخطاء الباص.. وعندي له بديل جاهز في اخر الموضوع تعرفونه

الشلهوب .. من مباراة الاتفاق وهو بعيد عن الابداع .. ولكن الهدف يشفع له ..

نيفز .. يا اخوان هذا اللاعب رائع ومبدع .. بصراحة مساء امس كان مبدع .. في التمركز والتمرير والفاولات .. مستواه في تطور .. ادعموه تكفون .. يحتاج الى التشجيع .. هذه النوعيه من اللاعبين تحتاج الى الدعم المعنوي كي يبدع

ويلي ... اسف ويلي مساء الامس كنت ابعد مايكون عما عرفناك ... هروبك كثير من الكره .. هل لاستفزازات زيد المولد دور ؟

ياسر ... يكفي انك اشغلت اربع مدافعين.. واقول لكل من انتقدك .. هل لديك الاستطاعه لتجاوز مدافع واحد في كل مرة تستلم الكره ؟؟ ياسر محاصر من اربع مدافعين والمرحوم ... الى الامام يابوسعيد..


الفريدي .. ليتك تفك نفسك من البرود .. ياخوي انت والقول ..مالقيت تحطها الى في الوسط ؟؟ تكفى لديك المهارة والثقافه .. بس خلك حماسي اكثر ... وسدد من قلب ..

الدوسري .. الوقت لم يسعفك ..

عزيز .. واضح ارتباكك .. وعاذرينك.. اللي سواه فيك قريتس .. مو سهل


نجي للي ابيكم تطردونه..

يا اخوان

اعطني حظاً وارمني في البحر ..

البلطان يقول كنا اقرب للفوز !!

هذا البلطان يقوله وهو ماعنده طوال المباراة الى اربع هجمات على ابو عبدالعزيز ..

هجمة السعران .. الهدف الاول .. ضربة الجزاء .. والهجمة الميته انفرادة الشمراني

واحنا نقول لعيبتنا ما سوو شئ ؟ وكنا بعيدين عن الفوز .. والمستوى هابط ؟؟؟؟

سبحان الله

امس لو كل هجمة حقيقية (ركزوا على حقيقية مو كل الهجمات) تسجلت كان طلعنا بنتيجة 6 اهداف

تعالو اثبت لكم انا كنا اقرب ..

تسديدة ياسر .. فاول نيفيز بالقائم .. تسديدة الشلهوب من فوق القائم .. فاول نيفز من جنب القائم .. تسديدة رادوي بيد الحارس ثم القائم .. انفرادة الفريدي

والقائمة تطول .. اذا نحن كنا الاقرب للفوز ..

اطردو سوء الحظ ... واستلمو الدوري من الان بأيديكم ..


اللاعب اللي من المفترض يلعب مكان الغنام بجانب رادوي .. هو المقاتل .. عمر الغامدي

لاعب جاهز نفسيا وبدنيا .. ولديه حب للشعار ومقاتل .. هو من كنا بحاجته امس .. صدقوني لاعب عاشق

ومثل هالمبارايات تحتاج الى لاعب له روح قتاليه وعشق للشعار ... وهذا هو عمر الغامدي بوجهة نظري


ابو فيصل




قتلني ضحكك .. وفرحك

والله العظيم تمنيت امس الفوز ولو باي طريقه من اجل فرحتك .. التي قتلت بأيدينا

يعلم الله كم كنت مسرورا بفرحك انت والقائد الاداري الفذ عبدالله بن مساعد

ولكن نحن من اضعناها... نحن من تركنا لهم المجال للتسجيل .. تكفى رص على اذاني اللعيبه في اقرب تمرين

والا الهلال ليس من مستوى نادي الشباب

فنحن نفوقهم قوة ونجوم ومدرب قدير..

يكفيكم اشادة البلطان والفرحة التي تتطاير من عينيه في كل تصريح ...


هذا هو الهلال .. زعيم القرن
..............................

اسال الله ان يرحم اخونا على الحربي...
وان يرحم اخواننا في الحد الجنوبي ...


اخوكم

MATREX _15