|
أفضل لاعب في آسيا !!!
الســـلام علــــيكمـ ورحــــمـت الله وبـــركـاتـه
مســـــاء الخــــــير يـازعــــــمااااااء آســـــيا
ماادري أقول لكم مبروك التعادل وإلا هارد لكمـ التعادل
صــراحه مــباراة غـــريبه يــعني لعـبنا باثــنين مــحاور بـس ملــعبنا شــبه مفــتوح,, لـعبنا بــخطه هـــجوميه بحته
عــشان يــرتاح يـاسر القحطاني مـن الـرقابه ومن ضـغط المــدافعين اللـي يشــتكي مــنه ووجـوده وحـيدا في الهجوم
برضو لا يزال ابوسعيد يتمـشى فـي الــهجوم بــدون ادنــى خطوره..(تكفون لا يـجيني واحد ويقـعد يطـبل لياسر هنا)
الحمدلله عندنا مهاجم تتمناه جميع الانديه في آسيا وليس في السعوديه فقط لكن من فتره مو بسيطه وهو وجوده
شبه عدمه..اليوم مباراة كامله ماقدر يشوت اكثر من كورتين على المرمى !! ويلي حط له كوره بكنترول بسيط
ينفرد بحارس الشباب لكن تعامل مع الكره كأنه لاعب في الدرجه الثالثه وليس افضل لاعب في آسيا قبل موسمين!!
أغلب الكرات يستلمها ياسر يحاول يعدي فيها حتى لو كان هناك مجال لتمرير الكره وتكون الهجمه أخطر... المباراة
كامله ماشفته حاول ينزل على الاطراف او يسحب مدافعين معه يعني كأنه يلعب وهو مغصوب على المباراة 
حتى في مباراة الاتفاق قالو رجع ياسر ومنزلين لي تصاميم وحالتهم حاله ومع أني اشوف انه في ذيك المباراة
ماسوى اي شي يدل على رجعته لمستواه غير تسجيله هدف من ركنيه يعني حتى المدافعين يقدرون يسجلون منها
وفي مباراة الاتفاق واجه الحارس مع اثنين مدافعين مرتبكين وسدد الكره بقوه خارج الملعب ماأدري وش الحكمه
أنا ماأشكك بقدرات ياسر القحطاني ولا أكرهه لكن من بداية الموسم لعب تقريبا 9 أو 10 مباريات وماشفنا منه
الاداء اللي يشفع له ليكون أساسي .. عندنا عيسى المحياني وأحمد الصويلح على الحال هذا كم مباراة وينتهون
بسبب دكة البدلاء .. عيسى المحياني كان هداف الدوري مع الوحده وشارين عقده بمبلغ وقدره ليش يقعد بالاحتياط
كل الوقت هذا يعني يجوز ابدل نيفيز والشلهوب وهم أكثر لاعبين خطوره في المباراةأما ياسر لا مايطوله العيب 
عيسى المحياني ماحصل فرصته للحينمن جا للهلال لعب مباراتين أساسي وحده خرج من بداية الشوط
الثاني والثانيه خرج بآخر الدقايق .. وباقي المباريات يدخل على الدقيقه 85 وفيها عشان يمغط رجلينه شوي
لاعب دافع فيه اكثر من 15 مليون عشان العبه مع الفريق الاولومبي ؟!!!! أقسم بالله حرام ياسر بالمستوى هذا
يكون هو المهاجم الاول في الهلال ويلعب كل المباريات أساسي
أنا من اشد المحبين لياسر واتمنى يرجع لمستواه لكن مو لدرجة أني أخسر نقاط بالشكل هذا وهو في قمة البرود 
آآسف على الإطاله ,, ولكم مني جزيل الشكر ..
اخر تعديل كان بواسطة » أبوزمَّــــــه في يوم » 04/12/2009 عند الساعة » 07:43 AM | 