الهلال & الشباب : ابرز النقاط المهمه بالمباراة ، سلبيات / إيجابيات ، شهادة شكر وتقدير بالداخل
بسم الله الرحمن الرحيم
بصراحه ((( هاردلكـ ))) خاصه مباراه اليوم ،،، صح تعادلنا واخذنا نقطه افضل من ولانقطه ،،، وصح ان الشباب فريق منظم وقوي ،، لكن والله اليوم حسيت انها خساره التعادل ، الهلال قدم مستوى ممتاز جداً الشوط الاول وبان على اللعيبه الروح المعنويه والاصرار على النتيجه والفوز بالمباراه ،،، لكن ماحدث ؟
*** يجب على جريتس تنبيه اللاعبين الذين يستعرضون امام المرمى او منطقه المحور لأنهم بصراحه فجعونا بأخطائهم .
*** والله والله والله ماحب انتقد لاعب خاصه بهذا الوقت بالعكس احب اشجع اللاعبين كلهم وارفع من روحهم المعنويه لكن فيه تنبيه لازم اقوله بهذا الوقت وقبل مباراه الاتحاد ،،،... ((( عبدالله الزوري ))) ارجوك راجع مستواك وبطئك الشديد ،،، بصراحه من الدقائق الاولى في عرضيه للشباب وكان الزوري يشاهد الشمراني خلفه ولايراقبه وكان ثلاثه من مدافعينا جنب بعض وتاركين الشمراني ،،، انا الوم الزوري لانه كان اقرب واحد له ،،، المهم من خلال هالهجمه عرفت انه في هذه المباراه يوجد علامه استفهام عليه ،،، هذا غير الكرات المقطوعه وغير السرحان ،،، عبدالله الزوري انت لاعب متميز لكن مانقوله ياجمهور الهلال إلا حباً في الهلال اولاً وايضا لتطوير مستواك الفني .
*** انا سبق ونزلت موضوع الهلال والشباب والتشكيله المتوقعه ونقاط ضعف وقوه ،،، والتشكيله للفريقين ولله الحمد اتت نفس ماقلت بموضوعي ونفس تقريبا الاوراق الرابحه ،،، حاول الهلال بنقاط الضعف لدى الشباب لكن لايوجد توفيق امام المرمى ..... قدر الله وماشاء فعل ..... والقادم افضل بإذن الله .
*** اتمنى وارجوا من السيد جريتس الزج بـ ((( عمر الغامدي ))) بالمباراه القادمه امام الاتحاد بدلاً من عبداللطيف الغنام الذي يعجبني مستواه كثيراً وبالعكس صنع هدف وكاد ان يحرز هدف ،،، لكن عمر الغامدي اجده الافضل بمباراه الاتحاد >>> وجهة نظري .
*** نيفيز كان الافضل بالمباراه واعجبني كثيراً حماسه وان شاء الله هذه انطلاقه ابن السامبا ... الذي ومازلت اقول انه الصفقه الافضل وسيكون الاميز هذا الموسم .... اتمنى كلنا نقف معه ونعطيه دفعه معنويه .
*** محمد الدعيع ماقصر واستطاع صد ركله جزاء لكن كماتشو استطاع للأسف الدخول بين ثلاثه من لاعبين الهلال الذين يشاهدون الموقف وكأن الدعيع ماصد ركله الجزاء .
*** ياسر القحطاني مستواك متوسط ولست سئ لكن نريد منك يا ياسر التحرك اكثر من غير كره وايضا تكون عينك بالمرمى ولاغير المرمى اي بمعنى عدم الاكثار من المراوغه ...... ياسر الجماهير الهلاليه واقفه معك وايضا رئيس النادي اعطاك الدفعه المعنويه بأنك سوف تكون العلامه الفارقه بالمباراه ..... نثق فيك يا ياسر ومباراتك القادمه بإذن الله امام الاتحاد نتمى منك إسعادنا جميعاً ..... واثقون منك يا ياسر .
*** جريتس ماقصرت وسويت اللي عليك وانا لست مع اللي ينتقدك لكن هذا رأي من يقول وينتقد السيد جريتس ،،، انا من وجهة نظري السيد جريتس دخل بتشكيله ممتازه وعرف نقاط ضعف الشباب واستغلها لكن لم يكتب لنا الفوز اليوم ،،، وايضا بوجد بطئ لدى بعض اللاعبين واخطاء بسيطه لايستطيع السيد جريتس فعل شي من خلال الاخطاء داخل المباراه البدائيه من خلال قطع كره او ركله جزاء ،،، نتمنى من السيد جريتس الحرص بالتدريب على اخطاء بعض اللاعبين .
*** شهاده شكر وتقدير : لجماهير الهلال ((( الرقم الصعب ))) والله ماقصرتو وبيض الله وجيهكم .... نتمنى من الجميع الوقوف وملئ المدرجات امام الاتحاد بشكل اكبر واكثف .
*** الامير عبدالرحمن بن مساعد كنت متفائل واتى تفائلك بالشوط الاول من خلال هدفين ومستوى ولا اروع .... لكن الشوط الثاني غاب بعض اللاعبين عن مستواهم واتى التعادل .... هاردلك سمو الامير وحضورك انت وشقيقك الامير عبدالله بن مساعد اعطى النور بالملعب وهاردلك لجميع جماهير الزعيم الوفيه التي كانت مضيئه واعطت حلاوه بالمباراه .... وان شاء الله مباراه الاتحاد راح يكون الزعيم بمستواه والجمهور مالي الملعب عن بكرة ابيه .
*** الحمد لله على التعادل ونقطه احسن من لاشي لكن جمهور الزعيم مايحب الا الفوز عشان كذا قلت هاردلك .  | 