صديقي محمد .. مبروك الفوز خاصة لك

بداية بأخذ نقطة لابورتا بما أنني انا الي قلت ان الفوز على ريال مدريد يسـاوي بطولة .. لما رئيس نادي كبير بحجم برشلونة يطلع في ليلة حمراء خخ بهالشكل المنحط والي يعطي صورة سيئة لـ الجميع .. كيف تكون ردة الفعل ؟ .. اذا رئيس النادي يساوي هالهبالة الي مايسويها الا المراهقين والي توهم بلغوا ههه كيف يشوفون العاملين بالنادي هالرئيس ؟ .. مو مفروض ان رئيس النادي أكبر منصب فيه يكون قدوة لـ الجميع ؟؟ .. ما أتكلم ترا عن الشٌرب لأنه شي عادي حتى في حفلات الطبقة المخملية يشربون والآمر آيزي لكن تعرف السهرات الي يمنع النادي اللاعبين انهم يرحونها وفجأة !! رئيس النـادي في سهرة خخخ .. ذاتس آت .. نقطة فوزه على الريال وفرحته مو غريبة بالنسبة لي .. طبعاً بعد ما سمعت تصريحه العام بعد ما أنهى السيزون التاريخي لـ البارسا وسألوه وش أحسن شي صار لك هالموسم قال الفوز على ريال مدريد فرحته تسـاوي فرحة البطولات الثلاث .. منتهٌين منها أتوقـع .

النقطة الثانية .. أحصائيات القيم .. ما أشوف فيها شي غريب ابداً .. البرسا عنده بول بوزيشن آعلى شي طبيعي جداً ولا يهمني .. خل البرسا يمسك الكورة وخلني انا اهدد المرمى أكثر .. ما شفنا البرسا هدد مرمى الريال في أي كورة خطيرة الا بعد الهدف المشكوك فيه < عشانك ترا ولا انا اشوفه تسلل 100% خخخ .. الشوط الأول وقفنا في الملعب صح وضيقنا المساحات عليكم ولا خلينا فريقكم يلعب كورته الي دايم يلعبها مع كل الأندية .. فرضنا أسلوبنا وهاجمنا وجاتنا فرصتين قول ضاعت بينمـا البرسا ما وصل المرمى بأي كورة خطيرة .. عادي ترا الشوت اون تآرجت ينحسب حتى لو انك شايتها من الحارس لـ الحارس خخخخ .. الي شفناه عرضيتين وحده من هنري و الثانية من انيستا على الباب ولقطها أيكر قبل المهاجمين .. و وحده ثانية لـ هنري كان يبي يرفعها وحولت على الباب وطلعها آيكـر كورنر .. شفت هذي ثلاث شوتات آون تارجت مع ان ما فيها أي ريحـة لـ الخطورة أو تهديد لـ المرمى بعكس مثلاً كورة مارسيلو الي واجه فيها الباب .. الشوط الثاني أمتداد لـ الشوط الأول وتحسٌن لعب البرسا شوي مع نزول أيبرا .. ومع ذلك ضاعت علينا فرصة هدف محقق لـ هيغوين وبعدها سجل البرسا هدفه .. هنا ممكٌن نقول ان المتش الي كنا نلعب فيه 55 دقيقـة غير الي جاي .. فريق مهزوم ويبي يسعى لـ التعادل وفريق يلعب أحسن في المساحات .. اندفاع لاعبين مدريد ورغبتهم في الحصول على الكورة في أسرع وقت ممكن خلتنا نشوف أسلوب البرسا واحتفاظه بالكورة لـ أطول وقت ممكن وهذا الي خلا البول بوزيشن لـ البرسا عالي جداً وقدر البرسا يهدد المرمى مرتين فقط .. وحده منها لـ بيكيه بضربة رأسية رفعها تشافي من فاول حسبه الحكم بطريقة غريبة جداً .. غيره ما نشوف الا الكورة في نص ملعب البرسا وضغط لـ لعيبة مدريد اما لـ الحصول على الكورة أو لـ تسجيل التعادل وشفنا كم كورة حاول يخترق بها كاكا دفاع البرسا ونجح مرتين فيها غير الكورنر الي تحول لـ بن زيما على خط السته.. ناهيك عن ضربة الجزاء الي تغافل عنها الحكم لـ رونالدو والي ممكن تغير مجرى المبارة بالكامل .. المبـارة بشكل عام مجحفة في حق مدريد بخروجه خاسر .. أتوقع لو كانت تعادل ممكن تكون أهون كثير من الخسارة لأننا قدمنا مبارة لـ الفوز وأعطينا الكورة لكن للآسف ما اعطتنا .. عندي كلام أكثر من ذا بس طآر مني خخخ اذا رجع لي جيت وسدحته هنا بحول الله .