اخوي معليش بس وش دخلنا بأسباب ترأس البلطان للشباب ولا وش كان قبل مايجي للشباب ،،، وكونه مايؤجل مباراة امام الهلال فهذا من حقه والهلال ماهو بحاجة لمساعدة من احد لا البلطان ولا غيره لان فيه رجال تجيب البطولات من فم الاسد بالعمل الجاد.
انا من المنتقدين بشده لحلقة خط البلده اليوم بسبب مضمونها وازدواجية ونفاق فكرتها ونفاق المشاركين فيها. هل تبغاني ما انتقد هالشيء لان انتقادي صدفة يتوافق مع مصلحة البلطان. كذا صرنا زي معظم اخواننا النصراويين يقلبون الحقائق كلها ويعبرون عنها باللي يتماشى مع امزجتهم ،،، وبكذا نكون فقدنا ميزة اننا هلاليين خالين واحرار من العقد وننظر الى الامور ونحكم عليها كما يجب وليس كما نحب.
تحياتي