الأخ / يا قاهرهم يا سامي . . . هلا والله وغلا .

بالنسبة لقرار خالد والله صعب علينا وأعتقد وهذا رأئي شخصي أن بقتداره أن يواصل عامين في الملاعب وهذا من خلال متاابعتي له في المشاركات الأخيرة وبعدين خالد يمتلك خبرة في الملاعب تخدمة نوعا ما إضافة إلى وجود المدرب الحين اللي يمكن يكون خالد من أبرز اللاعبين اللي يحتاجهم هذا المدرب .

عموماً دعواتي له بالتوفيق مستقبلا . . . والمحزن لي شخصيا كا هلالي ويمكن للغالبية أن يكون قرار الاعتزال نهائي عن العب في الفريق وعن الكرة الهلالية عامة يعني ما راح يكون لا لاعب والا غيرة والا حتى يريد تكريم على ما قدمه للهلال خلال مشواره مع الفريق . والحمد لله على كل شي عموما ولو أني أتمنى شخصيا أن يشارك وتكون مباراة أعتزالة أمام الجماهير في أحدى البطولات القادمة هذا الموسم ولكن كما ذكرت الحمد لله على كل حال وخالد أدى أدءاًً يشكر عليه وما قصر خلال مشوارة الحافل سوء مع الهلال أوالمنتخب . وبالتوفيق له ولناديه إن شاء الله .

وأما عن الشكوى الله يهديك بس وفي نفس الوقت الله يوسع صدرك بالعافية خليتني أضحك على اللي قضو الصيفية وهم في مكتب الاستقدام يحسبونه سواق ترى إلى الحين وهم ما يدرون أنه مدرب وفاهم القوانين مغلوبين على أمرهم لا واللي قاهرني أن الجمهور اللي يتبعهم ما يقرأ والا يشوف والا يدري عن شي تعرف البنات اللي يقولون ( الراي رايك يا يوبه والشور شورك يا يوبه ) هم كذا وقالوا ما لا يقال مثل ابوهم ما قاله قالوه وزادو عليه بعد يقولون الشكوى أخذت مجراها وهي الحين في الاتحاد الدولي ومسؤال راح يطالب بتعويض وووو مدري قمت أتسال أي مدرب يقصدون هم معقولة لهدرجة واصلين في التخلف وما يشوون الواقع اللي قدامهم غريب أمرهم ؟ لكن الله يعينهم على أجهزتهم :p وأنصحهم بموترلاء تراه ما يقطع

وعندي سؤال أخوي قاهرهم المتصل هذا اللي قال أن الفتى الذهبي عبدالغني طبيعي وضعه والا ؟ وش حسيت من مكالمته ؟ أنا بصراحة ما شفت البرنامج .

عموما الله يصلحه إن شاء الله ويبطل سهر لأنه مهوب قد السهر .

وبخصوص المصيبيح أتمنى ما يطلع عند البعض تخلف عقلي ويكلفنا بالعلاج وغيرة ويقول التيماوي أعتزل بسبب المصيبيح ومن هذا الكلام ...
وبعدين أنااخالفك الرأي في شي واحد وخذها مني وأنا أخوك المصيبيح ما قال أعتزال التيماوي خسارة للهلال قال الاعتزال خسارة على الوسط الرياضي يعني مو للهلال بس والله يستر على اللي بيقول ان المصيبيح هو السبب .

واسف على الإطالة . . . تحياتي لك وللجميع , , ,