:
خساره غير متوقعه خصوصاً بعد السقوط امام بوردو توقعنا ردة فعل قويه بس للاسف ماحصل هالشيء
الواحد ما يدري من وين يبداء !
سيناريو المباراه كان ( غثيث ) بمعنى ان كالياري كان اكثر توفيقاً من اليوفي
الشوط الاول متكافئ مع هدف مباغت لكالياري انتهى واحد صفر
الشوط الثاني بعد دخول اليكس وخروج بولسن اصبح اليوفي افضل وكان ماسك اللعب ولكن بدون اي خطوره لان هجومنا للاسف ( غير فعّال ) مع ضربة جزاء واضحه كـ وضوح الشمس لو احنسبت كان تغير الوضع !
كنافارو واماوري ( خارج التغطيه ) ولا يهون مولينارو بس مولينارو متعودين عليه زايد انه بمركز نوعاً ما غير حساس كثير مو مثل مركز اماوري كـ مهاجم يخلص لك المباراه وكنافارو كـ صمام الامان
وبالنسبه ( لـ تشيرو )
قلت رأيي فيه ( ضعيف تكتيكاً )
ودايم ( قراءته للمباراه ) تكون
بشكل بطيء جداً عشان كذا تغيراته تكون متأخره !
توقعت الزج بـ اليكس وسيبا من بداية الشوط الثاني ولكن لم يفعلها فيرارا !
مانبي نعيد ونزيد بالانتقاد لاني لو بتكلم ما بخلص خصوصاً انه يملك اسماء قويه جداً في وسط الملعب ودايم نشوف العكس وسط اليوفي هزيل ينضرب بسهوله اخطاءه متكرره وبدائيه وبالنهايه هو ( اول سنه تدريب )
كل اللي بقوله
امنيتي انه يكون ( قابل للتطوير ) ويستفيد من اخطاءه
هذا شيء
الشيء الثاني /
انا ضد ( أقالة ) المدرب لان اكبر المتضررين راح يكون اليوفي
انت ما تلعب في دوري زين عشان تغير مدرب فريق وتغير منهجية فريق في منتصف الموسم في دوري صعب وطويل مثل الكالشيو وعندك دوري الابطال عشان تبحث عن نتائج سريعه !
رأيي من رأي ( ابو ثامر ) لو انتهى الدور الاول بفارق ضئيل مع فترة التوقف تقدر تعيد ترتيب الاوراق خاصه اذا كانت هناك انتدابات اضافيه خاصه فالهجوم راح يكون شكل الفريق افضل ولا اعتقد ان اليوفي راح يكون اسوء من الدور الاول بس بشرط يصحصح فيرارا ويتنازل عن بعض قناعاته ومنها طريقة لعبه العقيمه
اخيراً
انا ملاحظ ان فيه بعض الاعضاء ينتقد دييغو وكأنه ( ساحر ) يقدر يغير الامور بلحظه !
ياجماعة دييغو اكثر واحد انظلم من تكتيك فيرارا ما يناسبه ابد
والصبر زين وانشالله راح يكون افضل من كذا مع مرور الوقت وهذا عشمنا فيه
:
