يله هاردلك ..
بـ لله اللي يبي يطلع حرته ولا يلعن ما يحتاج يكتب ترى بعدين نجي بعد ساعة ساعتين نندم على اللي كتبناه .. انا اليوم لو جمبي واحد عقب المباراة طقيته .. رح لعبت كورة مع أخوي وطلعت كل الحرة .. ! وجيتكم رايق ..
موب معقول اللآعب تسبب بـ بلنتي .. والبلنتي أحمق ! نلغي كل اللي سواه برونو كان من نجوم المباراة اخذه الحماس وتسبب بـ بلنتي حتى هو كان شارهه على نفسه وصار العيد عيدين !
الهجمات اليوم ضاعت بـ الكوم .. المهاجمين مدري وشلون نحكم عليهم بـ انانية ولا سوء انهآء هجمة ! الحظ اللي ما وقف معنا وخلاص اذا عاندت الكورة عاندت .. يعني الكور ضاعت من عارضة على حارس .. هي فـ النهآية توفيق
ونقول المدرب .. المدرب اليوم سوى شغل خرآفي واللي تابع المبآرآة بـ كل تفآصيلهآ يعرف قصدي خصوصا ً التغير اللي صآر فـ الشوطين .. نظم الدفاع بـ حيث ألبيلدا يصير بين ديآلبرت و نآفآرو , وضيق المساحات وخلا الفريق يلعب كور أرضية سريعة مع سرعة في ارتدآد الهجمة بـ حيث أي كورة من وسط الملعب تطلع من بآنيجآ .. هآجم هآجم هآجم الى آخر عشر دقآيق خلاص الكورة معندة ! طبيعي يحآول يحآفظ على النتيجة عصفور فـ اليد ولا عشرة على خشم عمر , بعدين التبديل ماله أي دخل فـ الهدف ! الهدف جآء من ضربة جزآء حمقاء ! موب معقولة ندخل زعلانين ونلغي مستوى الفريق ولا المدرب ونقول كله منه هو وتبديله !
بعدين لاننسى ان خسرنا أحد ركآئز الفريق من الشوط الاول
يبقى سؤال أخير .. ! بـ لله لو المباراة منتهية واحد بـ نشوف ذآ كلام ولآ نقول الفريق كان رهيب وهاجم بس الكورة مادخلت !
بـ لله اللي يبي يهايط لايرد ويقابل برى 