نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ﰟ|¦[¯ "تقافة العمل الخيري " بقلم التقني المتميز والاديب المبدع / سكب ¯]¦|ﰟ

الـمـشـاغـب · #9 17/11/2009, 07:43 AM

ههههههههههه يا ربي رباه

أنتوا تشوفون اللي أشوفه؟
بالعنوان صار سكب : تقني + متميز + أديب + مبدع

لا وهلالي اليمن يقول له أستاذنا

يا والله أن اللون الأخضر يسوي الهوايل خخخخخ

هلا سكب

والله تستاهل كل اللي انقال عنك فوق يا بعدي

المقال ممتاز وأعجبني والله كثير .. اختيار موفق من الأخوان الرصاصيين

بخصوص العمل الخيري التطوعي ..
خلونا نتكلم بصراحة ونقولها على بلاطة ونترك الكلام الإنشائي عن أهمية العمل التطوعي ..
حنا وش سوينا؟ ... نختصر الموضوع ونسأل أنفسنا حنا وش سوينا من أعمال خيرية ؟ قبل ما نكتب عن أهميتها وأجرها العظيم ..
هنا في المنتدى العام .. وش دور المجلس في العمل التطوعي؟ أنا وأنت وهو وهي وش سوينا؟
ليش المجلس العام ما يتبنى أفكار وأعمال تطوعية؟ زيارة مرضى باسم المجلس العام .. زيارة مثلاً جمعية إنسان وتقديم مبلغ بسيط يجمعونه من الأعضاء ..
مثلاً عندكم التبرع بالدم وهو أسهل عمل تطوعي مهم .. وأوفر من الناحية المادية .. ليه بدال ما نجتمع في إستراحة ونذب على فلان وعلان ليه ما نجتمع ونروح نتبرع؟
هالفكرة كانت ببالي وعرضتها على الاستشاريين وشجعوني عليها وكلمت كم عضو وتحمسوا .. لكن ماتت الفكرة لأن كل واحد منا انشغل بأموره .. ( وبرضه ما فيش همة )

كل واحد فينا أكيد يتمنى فعل الخير .. لكن الشيطان يثبطه أو يسوّفه .. ولو كان العمل جماعي والكل شجع ربعه راح نتحمس ونبادر .. ونبتدع أفكار أخرى في الأعمال الخيرية ..!
هذا في رأيي أفضل من أننا نكتب ردود هنا عن الأعمال الخيرية وأهميتها .. بينما رصيدنا فيها صفر ..

يالله خلصنا فضفضة يا مستر سكب ..

شكراً لك يا قميل