اولا بنسبة للرد على الاخ اللي قال كلام مستفز مصر عميله والكلام الخايب ده

احنا كشعب مصري غير مسئولين عن تصرف حكومتنا ومعروف انننا غير راضين على سياسة مبارك
ولو اتفح باب الجهاد لغزة اول شعب هيخش فلسطين ويحررها هو الشعب المصر ومش محتاج اقول واعيد في كلام معروف وخارج عن نطاق الكورة
وده منتدى كورة للكورة فقط وليس للنقاش السياسي
واحتراما لرسائل الاخوه الاعزاء وكلماتهم الجميل داخل الموضوع قررت المشاركة ولكن بتحفظ

والحمد لله اهو الاخ hilalemooot دخل استاد القاهرة وشاف الاجراءات انا دخلت الاستاد في التسعينات ولسه من كام شهر لما كنت في مصر وهي هي نفس الاجراءات متغيرتش كل اللي بيزيد على حسب قوة المبارة الامن بيزيد مش اكتر يعني ولا في تفتش سري ولا غرف تفتيش
واهو اكد على المشوار من مكان ما تنزل من السيارة علشان توصل المدرج مسافة كبيرة جدا جدا جدا يعني لو واحده حامل بالسلامة عليها وعلى اللي في بطنها

واظن وضح للناس الصحف الجرائرية ازاي بتكبر في المواضيع

امبارح جايبين خبر مقتل 6 جزائريين ووصولهم في توابيت للجزائر وده كلام عار من الصحة
وبسبب الجريده دي هناك 1500 مصري في الجزائر محاصرون من قبل الجزائريين واعمال تخريب في مكاتب مصر للطيران في الجزائر والاهالي مزعورين ومحاولات لاقتحام بيوتهم وقتلهم وحالة بؤس وكل ده بسبب الاشاعات اللي بتتصدرها الاعلام الجزائري

وطبعا الاعلام المصري بيكبر المواضيع بعرضه لهذه الاستفزازات امام الجماهير في التليفزيون مما يسبب شحن كبير للجماهير

الي حصل في مصر هو اشتباك بين مشجعي المنتخبين ادت الى اصابات في الجماهير من قبل المنتخبين اصابات في جماهير الجزائر واصابات في جماهير مصر

وكمان اللي زود الصراع اكتر جماهير الجزائر الغير محترمه لمصر وهي في مصر

قامت بعض جماهير الجزائر بحرق علم مصر في قلب استاد القاهرة قبل بداء المبارة والتليفزيون صور اللقطه وهذا التصرف سبب هيجان كبير لدى الجماهير المصرية

يعني قمة الفجر في بلدك ويهينوك محتاج تعمل ايه