بسم الله الرحمن الرحيم

مقدمـــه ..


انا هنــا وأنـا بكامــل قواي العقلية والجسديه وبكامــل الحــس والإدراكـ !!
بناء ً عليه اُدْرِك جيدا .. ان الاغلبيه توافقنــي الرأي ,, ويحترمون رأي الأقليـّـات الأخرى ,,


لسبب بسيط وهو إحترام الذات الإنسانيــة مهما تلوّنت او تصبّـغت بأي لون أو تقولبت بأي قالب !!


فعند كتابتي اللاحقه ادرك ان اختلاف الرأي لا يفسد للود قضيه .. وأتمنى ان يدركون !!

منطــــق !!
البرئ متهم حتى تثبت ادانته .. فينقص الحُـكم ويُنْتَـقص الحَكَـم ..اذا نقص من هذا المعيار موضع مسمار << لزوم السجع !!
ومن يقارنون بين مافعـله كوزمين اولاريو .. وبين من يلوّح بالرشوة .. فهذا قياس ناقص فالأخيــر واضح المعنى والأول يحتمل التأويل !!

مخرج : ×






لاباس ياكزمين بعد كل ماصار
======= الطير من كفه تهاب الحباري


هوّلتهم بام المعارك والاخطار
======= العام في جده درو وانت داري


واليوم يوم انّك تعليت مقدار !!
======= خافو تجيهم بامهات الصّواري


احدْ عشر جنّي تبنّاهم اعصار
======= تفرعنو والكل صار انتحاري


صالو وجالو والمساكين بحدار
======= صارت امانيهم براد المذاري


ابهرتهم تكتيك مرسم وفرجار
======= وهذا فعل ياخوك ماهو حضاري !!


اللي نظيفه تسبده ولا به اصفار
======= لازم يُـزال بحكمة الاستشاري !!


ياكوزمين ياصاح للنافع الضار
======= شكواك لو دينك مهو باعتباري


في هالزمن ياسيدي احذر الجار
======= واقبل بعد بالظلم لو هو وزاري


ياسيدي لو هي بترضيك الاعذار
======= نص السعوديه معي باعتذاري


ياسيدي يالمخلص الصادق البار
======= ياذيب ماهي متعبتْك المساري


خذني قهر كوّن على خدّي انهار
======= خذني ستر حِكْم ٍ من الحق عاري


ماهنت لو هانو قبل بُعدك كثار
======= تبقى بعيني انت كـُزمن اولاري !!





وســلامتــكم !!