السلام عليكم


أيوب وش تناظر


ياخي استدوكم زين ودي أسلفكم برشلونة بس وش الفايده بتروح متعة الليقا والبريمير < وش ذاللي جاي يحارش


مباراة تشلسي والمان بصراحة شفت الشوط الأول ولا قدرت على الثاني .. لذلك بطلع نفسي ولانب متكلم عنه بس أعتقد ان التسلل على روني غير صحيح أيوب ابلشتنا وخر شوي


بالنسبه للأرسنال فريق مميز جدا ولاعبينه رائعين خصوصا ولدنا .. لكن مع احترامي ما أتوقع ابد انه راح ينافس على البريمير .. كلنا نتذكر قبل 3 سنين على ما أذكر كانوا متصدرين لين مادري كم وفجأه .. الدوري للمان .. نفس الأرسنال قصير حبتين .. بصراحة يبيلهم على تشكيلتهم هذي هداف من طراز عالي .. الخال اللي راح ماكان يوكل عيش أبد .. وفينقر ماوالله يجيب لاعب كبير يدفع فيه أموال قارون < معناته 20 مليون عنده .. لذلك أعتقد ان مهاجم صغير من هنا ولا هناك يُعطى ثقه .. خلاص .. هنتلار كان مناسب جدا جدا للأرسنال .. لكنه اختار مستقبله بنفسه وهذاه يبربس الحين .. لو انه مفكر شوي ورايح لنادي يعطيه جوه ومحتاجه .. كان الحين ويييين ..


الليفر وياحسرة قلبي ياهو هد حيلي هالفريق الخطه غبنه .. لا دوري ولا أبطال ولا شي ماشين زي الناس .. ماغير تصبيخ في تصبيخ .. هم اذا اشتهوا خلاص راحت على اللي قدامهم وشفناهم الموسم الماضي أفضل موسم لليفر في الدوري خلال مادري كم سنه وأفضل من المان برضو وفايز عليه رايح جاي ونتائج رائعة جدا جدا جدا وأقوى هجوم من المان واقوى دفاع ولاعبين صح .. بس بالنهايه! اللي ضيعهم ينهزمون قدام بورتسموث مادري مين بالأنفلد اثنين صفر ومن زين الأمور هبطوا بعد! اللي ضيع الليفر ذراقة بينيتيز وبس .. مافيه شجاعه هالمدرب أبد يحاول يثبت أشياء بعالم التدريب ولاهيب تنفع الفريق أو اللاعبين! زيه زي فنقر للأسف يحاول يثبت ان اللاعبين الصغار هم احسن شي ومادري ايش وهذاه ماكلها للحين ولا بطوله من راح هنري الكبير بالسن .. مانختلف انهم يفوزون وكل شي .. لكن مهمب كاتبين بالسجلات اننا فزنا خمسه ولا أربعه .. بيقولون الموسم الفلاني وش سووا؟ ولا شي .. نفس الشي ينطبق على الليفر ..

بإذن الله يتعدل حال الليفر .. ناقصهم شوية فلوس بس لو يضبطنا الفرج شوي .. أعتقد بينفجر الليفر .. الصفقات مانبغى صفقات قويه ومدويه .. كله كم حبه هنا وهناك تغطي النقص وروووح ربي يسعدك


واضح اني فاضي ياعيال هاه