| هذي مشكلتكم ياشباب
الظاهر تحسبون فريق الهلال فريق حواري
ماله متابعين الا انتم
الترميم والتجديد مايجي بهالشكل الله يهديكم بس
فريق الهلال افضل فريق قاري و عربي وخليجي ومحلي
كل هالجهات تنتظر اي عثره حتى تتعداه فالبطولات او تساويه على اقل تقدير وبعد ماكان فريقنا لقبه الزعيم راح تتذكرون هاللقب وتلقاه على فريق اماراتي والا اتحاد البلوه
صحصحو...
الترميم والتجديد فالفرق الكبير يجي تدريجيا واول ماتحافظ عليهم نجوم الخبره مهوب نشيل الفريق كله وننتظر سنتين الى ثلاث سنين وباقي الفرق جالسه تكوش على البطولات حتى تتعداك وتفقد كل الي سويتاه فالسنين الي راحت
فمثلا
تشيل اللاعبين الي انتهت صلاحيتهم مع لاعبين طقها والحقها
موب سامي الدعيع الشريده العلي حتى الشيحان
ومن ثم تتطعم الفريق بلاعبين القاعدة المميزين وتدعمهم بمحترفين اجانب على مستوى عالي
وتريح اللاعبين الي انضباطيتهم مش ولابد زي الجمعان وتعطيه الي يبي ((بشكل معقول)) كتفاوض مع لاعب لو انضبط راح يصير منه علوم تفيد الفريق
ولا تنسون اننا ننتظر الشلهوب والتمياط ....
وبعد هالتنطيم نتعاقد مع مدرب اعداد وليس مدرب لاعبين جاهزين لان الفريق حيكون فمرحله ترميم بعقلانيه ,,, والانسب فوجه نظري كندينو الي على يده ظهر ابو يعقوب وسامي
هذا الي مفروض يصير مو نشيل الفريق كله عشان خساير جت بسبب اغلاط اداريه وعدم وجود مدرب لياقه ومدرب عربي فاشل مع مرتبة الشرف
تحياتي | 