أخي العزيز / خالد بن صبر

بعد التحية العطرة ومزيدا من الأحترام . . .

والله ما فيه غريب يذكر هذا أنت وهذي مواضيعك دائما لها مزيج فكري وطابع خاص محلى بعذوبة الطرح الصريح والنقد البناء الهادف بما يحاكيه الواقع .

على قد ما أقرأ على قد ما أضحك أتمنى أن النصائح هذي تغلف عند أحد محلات المناسبات وتهدا للنصر ويكتب على عنونها ( أنتبه لنفسك وأسمع الكلام ) .

الحقيقة مدري شقول عن هذي البطولة بس تبي الصدق لو أني والعيذ بالله من الجمهور النصراوي ما حضرت والا تابعت هذي البطولة بعد كلامك اللي في الصميم والمشكلة محـد يقدر ينكر شي منه .

أخوي خالد : : : أسمحلي أعرضك في شي وبقوة . . . ذكرت في مقالك الكريم النص التالي :
((( وحقيقة نتمنى لهم التوفيق في حسن التنظيم ويصبحوا مثل جارهم الذي عود جميع الفرق الأسيوية والعربية على حسن التنظيم بدون اخذ" مقابل السكن" من الضيوف مثل ما يعمل غيره ...!! .)))

أمنيتك على العين والرأس لكن يصبحوا مثل جارهم ما أعتقد أن فيه أمل ولو بسيط أنهم يقربون من مستوى جارهم وإذا تبيها على بلاطه الربع يبون مكرمة وقالوا ياولد سوء بطولة وسمها الوفاء واطلب مكرمة كبيرة وراح تلقى المجيبين لك ما دام أنها باسم المملكة وهذا الواضح للعيان , والا هذا الفريق بطولاته كلام فوزه كلام تنظيم (( برضو كلام)) أعتقد عرفت القصد.
فلا تنتظر حسن تنظيم فعلي الا كما ذكرت بالمكرمـــــــــــــة الملكية وعن طريق الغير يمكن لكن غيره يفتح الله .

وخذها مني ماراح يحصلون على شي فيها الا بطريقة البحث عن الفرق والحكام اللي تبي سياحة في المملكة وتبي تتمتع بالمشاركات الودية . بيقولن لهذي الفرق تعالوا سياحة وخذوا مبلغ وقدرة وشاركوا شرف وبس أرجعوا لدياركم ومع السلامة وهذا غير مستغرب عليهم وعندي الدلائل على هذا .

وعموماً أسعدني مقالك الشيق أخوي خالد وما يحمله من معاني صريحة . . .

وتقبل تحياتي لك وللجميع .