يا الله عليك يا فيرغسون .. لعبت بحسبتهم لعب .. تلعب وانت فاقد ٣ لاعبين اساسيين ( قلبين دفاع ورأس حربة ) وتسوي كل هذي الهوايل فيهم !!
وشو انت يا فيرغسون ؟ من وين لك كل هذا !!!
اليوم المستوى توب .. من الحارس للمهاجم ..
براون وايفانز اسوود اليوم .. قدموا مستوى خيالي .. وبالخصوص البني تفوق على نفسه واثبت انه على كثر ما انه دبشه الا انه يجي منه ..
فليتشر .. ماعندي اي تعليق على مستوياته .. اتوقع ماقد شفت له مباراه ماكان من افضل ٢ لعبوا في المباراة ..
اندرسون .. كان تكتيك شايل التكتيك كله فوق راسه .. خطة فيرغسون اليوم ماتضبط بدونه هو وفليتشر .. من جد كان ينشب لوسطهم اول مايستلمون الكورة في ملعبهم ..
اوشيه الشوط الاول كان افضل ظهير في العالم .. والشوط الثاني مستواه دحدر كثيييير .. وخصوصا من بعد ماتقدم بالهجمة اللي كان المفروض يناول فالنسيا .. لكن فالنسيا مزعها ع الباب ..
روني .. ملـــك
جيجز .. ما اعجبني اليوم الا بشكل بسيط .. أتمنى أحد يقنعني أنه كان مؤثر ! وجوده كل هذا الوقت كان خطأ المفروض طالع مع بداية الشوط الثاني .. لأن ايفانوفيتش كان معه كارت .. وكان من الممكن ينزل اوبيرتان ويضغط عليه ولا يتقدم .. أو يكسر وياخذ أحمر ..
فالنسيا اتوقع دوره كان فيه تكتيك دفاعي .. لكن بالهجوم ما اعجبني ابد .. ونفس الكلام على جيجز ..
اعتبر هالثنين .. أقل لاعبيننا تقييم بهالمباراة .. ..
الهدف .. خطأ بإحتساب الفاول بالبدايه .. وخطأ بعدم إحتسابه تسلل لإشتراك دروقبا بالهجمة .. ( التمويه بالشوت ) ولو تلاحظون كان لفان در سار ردة فعل بعد ما حاول يشوتها دروغبا .. سار وقف مانط للكورة على اساس دروغبا بيشوتها وتجي عنده ..
لفت نظري .. يوم يتصابخون لاعبين تشلسي اتوقع تيري وواحد ثاني .. وصارت هجمة الحكم وقف اللعب !! ولعبها اسقاط بعد ما قاموا اللاعبين ..
من جد خيير إن شاء الله ..



عنوان المباراة : قمة دمرها التحكيم



هاردلك مشجعين مانشستر .. كنا نستحق الفوز ..
مبروك تشلساويه .. مالكم ذنب في التحكيم .. عشان كذا ما يقدر احد يقلل من احقية فوزكم بالنتيجة ..