## البرشا والضغف الهجومي ##

الكل يعرف ان البرشا يعاني في المستوى وخاصه الهجومي من ناحيه تسجيل الأهداف وايضا الإختراقات .. مع انه يمتلك مهاجمين من اعظم المهاجمين في العالم ..
فعندي كذا نقطه ربما انه تلخص اللي يصير بالبرشا الحين في المستوى ..

1- ابراهيموفيتش اهدار غريب للفرص السهله .. واللي يسبب استئساد من قبل الخصم ايا كان .. ولنا في روبن كازان خير دليل فالفرصه الضائعه من ابرا بالدقيقه الثانيه والتي لو كانت هدف لسببت الصدمه والربكه لحسابات مدرب روبن كازان وادت الى انتعاش البرشا .. ،

2- انخفاض واضح في مستوى ميسي ليونيل .. سواء تمريراته المقطوعه وتسديداته الضعيفه وهذا بحد ذاته اعتقد انه يؤدي الى تجرأ الخصم وازدياد الثقه لديه حين مواجهة ميسي ..!!

3- ماركيزوه الموسم هذا والموسم السابق بارضه .. أ- ضعف بالالتحامات .. ب- عدم التغطيه بالشكل المطلوب وهذا اللي يسبب كوارث دفاعيه مثل ماحدث امام اوساسونا .. ج- ضرباته الرأسيه لم نعد نراها ؟!

4-جيرارد بيكي .. لاعب كبير بادآئه صغير بعمره اخذ اعجاب الكثير والكثير بروزه سريع وثابت استحق الثناء من الكل ولنا في حديث السير اليكس خير دليل ..!
بس مشكلته مشكله .. الثقه بزياده عنده خصوصا هذا الموسم بشكل ملحوظ .. واحيانا كأنك ترا استهتار بالخصم .. بطئ بنقل الكره .. واخطاء في التمرير اعتقد انها ناتجه عن الثقه الزايده ..

5- انييستا لاعب كبير بصماته مميزه .. لعنته الوحيده يموت بشي اسمه تسحيب..
وكذا مره ترجع الكوره مرتده للفريق الخصم بسبه الشيخ انييستا .. احتفاظ بالكره غير مبرر احيانا ولا ننسى ان الشي هذا يسبب البطئ الهجومي .. ،

6- لاحظت ويمكن الكثير غيري لاحظ الشي هذا ان الكره الكتالونيه في المبارايات الأخيره كثير ترجع للخلف .. بعكس السابق اللي مانشوف فالديز فيه ابد .. فمتى ماصارت الكوره دايم تلعب بملعب الخصم بتسبب الضغط ع الخصم بالتالي فك الشفرات الدفاعيه بسهوله .. وكثره الضغط تولد انفجار وماا ادراك مالانفجار الكتلوني .. ،

بويول ..تشافي .. يايا توريه .. سيدو كيتا .. (فالديز) ..
نجوم من رائع الى اروع باسثناء فالديز اروع بس موب من رائع لأنه خمتن يجيك اطلق حارس وخمتن اطلق نكبه مافيه شي وسط .. ،

بالختام فيه سؤال بسيط بسأله ..
هل لعب البرشا تغير إلى الأسوأ مع قدوم ابرا أم انني اتوهم .؟!!

* هذي وجهة نظري الداجه بس حبيت اقولها .. وانا ادري ان كل اللي هنا اقدر وافهم من .. بس على ماقال كلن يدلي بدلوه .. ارجو تقبلها بصدر رحب وبالتوفيق للبرشا اليوم ،، اتوقعها رباعيه .



تحياتي وتقديري