لقاء تشلسي صعب ياخوان ،، وطبيعي يكون صعب دام الفريق اللي بنلعب معه ممـتاز على كل الاصعده والمراكز لكن ماهم افضل منا ،، مشكلتنا بالدفاع واحيانا صناع اللعب لكن تبقى المشكله الكبرى هي الدفــاع ،،، الدفاع سيء في المواجهات الكبيره ،، شفنا الريو مع الليفر كان سيء وقبلها مع المان سيتي وكان أسـوأ ،، واللحين الريو بيغيب وبيحل مكانه ايفانز وهاللاعب ممـتاز وهادئ وهالصفه لازم تكون متواجده في المدافعين والحراس لأن هالمركز يحتاج لشخص رزين وهادئ وغير متسرع ،،،، الاظهره انا ماشوف فيها شي ناقص او سلبي وبالعكس ايفرا واوشيه مقدمين مستويات رائعه لكن المشكله الحقيقيه في قلوب الدفــاع ونتمنى من ايفانز وفيدتش يصمدون طوال المباراه 
خطورة تشيلسي تكمن في وسطهم ، وسطهم قوي جداً واخص بالكلام هذا لامبرد لأن اللاعب هذا
ذكي ويعرف كيف يخدع المدافعين وحتى الحراس لكن اذا اختار السير المحاور المناسبين للمهمه
هذي ماراح نشوف خطوره كبيره من لامبرد ومن وسط البلوز كله ،،، دروجبا هو اللي يخوف اذا
وصلت الكوره لصندوقنا لأن اللاعب عنده حلول فرديه بعكس انيلكا اللي احسه لاعب صندوق وما
ينفع اذا خرج منه ودائماً يستسلم للمدافعين بعكس دروجـبا .
اتمنى نشوف خطه مناسبه للقاء هذا وان شاء الله السير واللاعبين تعلموا من اخطاء مباراة الليفر 
