ســــــــــــــــــــــــــــلام 
اخباركم كل ابوكم عساكم تزقحون بس 
وكما هو معروف علي ماافي راسي مقدمات ولا اعرف بذا المشورة 
مثل ماقريتوا بالعنوان موضوعي عن الزواج 
واي زواج تتوقعون زواج السعودي من السعودية وموافقة السعودية على السعودي 
كني اشوف هالشيون الاشوام والاتراك فتحوا عيون هالسحالي عالطخوم والدلع ورئصني ياقدع 
لاجد وش السالفة الضبان اطلقوا حملة قبل كم شهر نافست حملة (خلوها تصدي ) واسموها (خلوها تعنس ) 
بس صاروا بناتنا لهم معرفة بالامور العسكرية والاستراتيجية واطلقوا حملة خلوه يعزب على مااظن 
والحرب الشرسة مازالت مستمرة ومناوشات من الطرفين ومصائب قوم عند قوم فوائدها وماهوب لاقيها الا الحمران العطران يتزوج سعودية والنظام على مااظن يعامل ابناء الامهات السعوديات مثل السعودي الاصيل <<<متأثر بالخيول شي يقهر والله ماصبروا 7 سنين الين اتزوج وارتب الشقة ثمن خلهم يطلقون صورايخ ذرية والطرف الثاني يرد عليهم بصواريخ مضادة بس صبروا هالكم سنة ماعاد بقى شي حنا يالسعوديين دلوخ مافي شي معجبنا ابد كل شي نقول خلوه وبكرة وحنا نشتري منهم حتى جبن بوك ماقدرنا على فراقه 
قبل كم اسبوع تقريبا اذكر طلعت مقالة وانتشرت بشكل كبير بين الجنسين وكان عنوانها اللي تبي الاجر تتزوج سعودي وكنت ناسي وش كانت تتكلم عنه المقالة بس اذكر فيها انها اللي تبي الدلع تأخذ لبناني واللي تبي الكلام الحلو تأخذ سوري واللي تبي الاجر تاخذ سعودي واذكر ان ماخاب ظني اللي كاتبتها نصراوية لانها تطرفت وناسي المقالة تقريبا بس قام الجنسين يتراشقون بالادلة والبراهين مثل السعوديين والامارتين على ايام حدود البطحاء 
الا على طاري الامارات الاخت دلع الامارت ماعاد شفناها عسى المانع خير انتو اقرو الان كلام الرجل بمحاجته للمراءة 
ثمن بوريكم رد المراءة 
وبالاخير عندي لكم كم سؤال 
هذا كلام الرجل عن الحملة ــــــــــــــــــــــــــــــــــــ العاقل يفهم من غمزة والجاهل يفهم من رفسة ..
لقد اثار إهتمامي رسالة تتناقلها زوجات سعوديات عن اللي تبي الدلع والكلام الحلو وين تلاقيه. فحوى الرساله؛ إن اللي تبي الدلع تاخذ لبناني واللي تبي الكلام الحلو تاخذ سوري واللي تبي..... واللي تبي..... واللي تبي الأجر تاخذ سعودي. عاد الأخيره هي الشاهد.
معلومه أفتتح فيها رسالتي:
أنا من بيئة زراعية تؤمن أن الأرض الطيبة تعطيها تعطيك، وكثر ما تهتم فيها يكون الثمر أطيب.
إلى كل إمرأه سعودية تعتقد أنها مأجوره لأنها ماخذه زوج سعودي.....
إلى كل إمرأه سعودية تعتقد أنها فاقدة الدلع مع زوج سعودي..... إلى كل إمرأه سعودية تعتقد أنها فاقدة الرومنسية مع زوج سعودي..... إلى كل إمرأه سعودية تعتقد أنها فاقدة الكلام الحلو مع زوج سعودي.....
إلى كل إمرأه سعودية تعتقد أنها مظلومه عاطفيا لأنها مع زوج سعودي.....
إلى كل إمرأة سعودية تبحث عن زوج حق دلع ولا كلام حلو.....
أختي الفاضله:
إجلسي مع نفسك صباح يوم من الأيام بعد أن يغادر زوجك السعودي إلى العمل. راجعي يوم الأمس الذي مضى لحظة بلحظة، وأجيبي عن الأسئلة التاليه:
صباح الأمس الباكر؛ من أيقظ زوجك للعمل؟ أنت أم الساعة المنبهه؟
إذا كانت الساعة؛ أين كنتي؟ إذا كنتي أنتي؛ كيف أيقظتيه؟ وبأي صوت نبهتيه؟ وفي أي صورة كنتي عندما تفتحت عينيه؟ بعد أن استيقظ، ودخل الحمام للدش؛ هل وجد حمامه جاهز؟
لما خرج والأمل يحذوه في وجبة إفطار؛ هل كنتي جهزتي له إفطاره؟
(ولا كوب قهوه وكيكه على المكتب)
قبل أن يخرج للعمل؛ من أين أخذ ملابسه؟ (من بين يديك ولا من الدولاب)
هل ساعدتيه في لبسه؟ (وكشختيه وعطرتيه)
بعد اللبس (وقت الخروج)؛ هل من مودع؟ ولا أحسن إختاري أجابه واحدة مما يلي:
1- خرج وأنا نايمه.
2- صحيت من حركته في البيت، فتحت وحده من عيوني وقلت: وين رايح، العمل؟ بالسلامه.
3- كنت جالسه بالصاله، وهو خارج قلت له لاتنسى الأغراض اللي وصيتك عليها.
4- رافقته للباب، وكان وداع حار.
( تبين مساعدة، نحذف أجابتين؟ بس المشكله مانقدر نحذف إلا إجابه وحده بس!!!)
لما وصل المكتب (طبعا إذا قام يفطر الشباب بالمكتب عرفوا وش أنتي من حرمه)؛ هل أتصلتي فيه تتطمنين إنه وصل بالسلامه؟
تالي النهار وهو راجع البيت من العمل، دق الجرس ( معه مفتاح بس يبي أحد يفتحله و يحسسه إن له وحشه)؛ هل أستقبلتيه؟ وشلون؟ بدا ينزع ملابسه؟ هل كنتي معه ونزعتي له ملابسه و..و.. ثم علقتيها بالدولاب؟ (ولا منطوله بطرف السرير) يبي يدخل الحمام وياخذ دش؛ (كرري السؤال حق دش الصباح).
بعد الدش يبي أسترخاء، رجليه تألمه من الوقفه طول النهار والمشي، جسمه هلكان؛ هل ريحتيه؟ (طشت مويه وملح وهاتك يا تدليك)
الآن يبي غفوه قبل الغدا، هل ساعدتي على توفير الجو الهادئ؟
لما صحي؛ هل وجد الغدا جاهز ولا هو اللي جابه معه من المطعم؟
بعد الغدا أكيد يبي شاي، هل قدمتي له الشاي، وجلستي معه سواليف، وكيف كان يومك؟
الآن فتره مستقطعه إلى الليل، وشلون قضيتوها؟
بالليل وقبل النوم على الأقل ساعتين (إذا فيه عيال أكيد ناموا)؛ وش كنت لابسه؟ كيف رائحتك؟ وشلون صورتك وهيئتك أمامه؟
خلال الساعتين: وش من جو عيشتيه فيه؟ يمكن تتابعون فلم ولا مسلسل وسواليف، بس الجو العام شلون؟
وقت النوم، وأنتي رايحه السرير؛ وش كنت لابسه؟ كيف وضعية النوم مع زوجك؟ (وضعية حنان ولا كأنكم أثنين أصدقاء أستأجروا غرفه بفندق وما لقولهم الا غرفه بسرير واحد (كنج بد) وكل واحد نايم بجهه)
بإختصار لكل الأسئله السابقه:
هل كنتي أنثى مع زوجك السعودي وعيشتيه جو زوج وزوجه؟
طبعاًَ هذى مو كل الأسئله المطلوبه من زوجه أنثى، لكن المهم منها والمطلوب حتماًَ وحق الزوج فيها.
إلى كل إمرأة سعودية تبحث عن زوج حق دلع ولا كلام حلو:
ضعي درجه من 100 على كل سؤال، ووزعيها بحسب الأهميه، ثم أجيبي الإجابه الصحيحه، ومن ثم اجمعي الدرجات التي حصلتي عليها. كم مجوع الدرجات اللتي حصلتي عليها؟ 0% ولا 10% ولا 50% ؟
طبقي النتيجه على المعلومه الزراعيه التي أعطيتها أول الرساله عن الأرض. إعتبري النتيجه هي نسبة إهتمامك بالأرض. والأرض زوجك كيف بتكون الثمره اللي تحصدينها؟
(الثمره أكيد الدلع والكلام الحلو و... و....) اسألي مزارع إذا احتجتي مساعدة.
في النهايه: أتمني من المرأه السعوديه اللي تبي الدلع ما تاخذ لبناني،
واللي تبي الكلام الحلو ما تاخذ سوري واللي تبي...واللي تبي....واللي تبي....
كفايه يكون في العالم العربي كله بس السعوديين محرومين من أنثى.
معلومة أختتم فيها رسالتي:
تعرفون ليه الزوج السعودي يفغر لما يشوف امرأه متبرجه وتطيح سعابيله. تعرفون ليه الزوج السعودي لما يجلس وزوجته يتابعون التلفزيون وتطل المذيعه عيونه مفنجله بالشاشه. تعرفون ليه الزوج السعودي لما يتزوج من سوريه ولا مغربيه ولا...ولا...
يحس ان فعلاًَ فيه جنس آخر بالكون غير الذكور.
لأنه في الأصل عايش مع واحد من ربعه.
منقول من الواقع
و ان برأيي الشخصي انه لو فيه زوجة تسوي ما ذكر اعلاه ما راح زوجها يفكر مجرد تفكير بالزواج عليها الا اذا كان مجنونا او مريضا نفسيا
ملاحظة هامة / الموضوع طرح بهذا الاسلوب كتذكير للمتزوجين و المتزوجات و المقصرين والمقصرات فقط .
دمتم بوافر الودّ والمحبة
ــــــــــــــــ طبعا بعد هالكلام كله قامت حرمة وردت عالرجل وقالت : ـــــــــــــــ الى الاخ الكريم صاحب التساؤلات ، اليك الاجابات
ايقظته بنفسي فقال لي : ممممممممممم خلاص قمت روحي سوي لي شي اشق ريقي
دخل الحمام فوجد ملابسه معلقة طلع يصارخ ويقول مين اصلا قال لك رح البس شماغ انا حالبس غترة
جبت له فطوره واذا به يزمجر تاخرت عن الدوام انتي ما تفهمي المفروض تسوي قهوة وسندوتش وبس
وطلع زوجي حبيب قلبي وفارس احلامي الى عمله بدون ان يقبلني قبلة الصباح
بعد مرور ساعتين اتصلت عليه بالدوام رد علي بعد عشر مرات وهو معصب ايش فيك؟؟ صجيتنا قلت له ابدا ابغى اطمئن عليك قال شوفي لا عاد تدقين علي الا اذا كانت مسالة حياة او موت فكينا انت وخرابيطك
ورجع نور عيني من دوامه واركض على الباب استقبله الا وهو يوخرني ويقول وين الغدا ابغى الحق اكل وانام عندي جمعة شباب الليلة
حضرت الغدا فكان الصمت يلفنا لان روح قلبي يتابع التلفزيون وكل ما فتحت فمي بكلمة قال اشششششششش ابغى اسمع الاخبار
سويت له الشاي الاخضر اللي يحبه بعد الغدا وجيت قعدت جنبه لقيته قاعد يتفرج مباراة وكل شوي يسب الحكم والفريق والمتفرجين ( طبعا الفاظ تخدش الحياء العام ) ده غير الحماس الزايد اللي ادى الى ان يلكمني في صدري ولما قلت اي قال انتي اصلا اش قعدك جمبي
وقام فارسي المغوار ينام وصحيه قرب المغرب وحضرت له كيكة مع عصير طلع من غرفته وهو يتكلم بالجوال مع صديقه وبوجهه على الباب حتى انه ما انتبه للكيك والعصير
وظليت انتظر وانتظر وجواله مسكر ما يرد
غيرت ملابسي ولبست ملابس النوم وجهزت العشا وظليت على الكنبه الى ان وصل وصحيت على خبطة الباب الساعة 2 الفجر
قمت اقول له ها حبيبي تتعشى قال على بالك باقعد للحين بلا عشا انا تعشيت بره وداخل انام
صعبة جدا اني بعد هاليوم الطويل مع رفيق الدرب ان اركض وراه لغرفة النوم واغمره بالحنان
وتقبلوا فائق الاحترام
ــــــــــــــــــ طبعا بعد كلام الطرفين انا صراحة ضد الرجال الي ذكرتهم المراة 
وانا مع كلام الرجال في نوع النساء اللي ذكرهم انهم يفقعون مرارة الرجل وصراحة الوضع يخوووف دامها كذا شكلي بحاول بعبدالله بن مساعد انه يرتب لي شروط بعقد الزواج اخليه يحبكه لي حبك 
او اني ببدء من الليلة ارتب لي شروط يخليني اضمن مستقبلي وان كيدكن لعظيم عندي كم سؤال : 1- هل توافق لو اتى الشامي او التركي وخطب اختك وهل انت مع مضمون هالكلام ؟ من ناحيتي رفس مع الباب 2- مارايك في زواج الرجل من الاجنبية وتكون حجته انه يدور الرخيص والزين ؟ ولاتحرموني من ردودكم على كامل الموضوع برايفت >>>>>>الا صدق تكاليف الزواج تتعدى المية الف سلام سلام 