قولوا لا آاله الا الله ياشباب

والله اني افتخاري اني ليفربولي زاد دبل اليوم بالذات

فريق ثلاث ارباعه مصابين ويقدم ويقاتل

ياعالم انتم تشوفون مباراة ثانيه

ليون على ارضه يلعب مليون دفاع

والليفر في اسواء حال حاشره في ملعبه

مهاجم معطوب ومع ذلك عمل رعب لفريق ليون ولن اقول دفاع ليون لانهم كلهم دفاع اليوم

والمصيبه ان هالمهاجم المعطوب يلعب بدون صانع لعب ومع ذلك كانت هيبته تكفي لرعبهم

انا ماقول الليفر اليوم ممتاز لكن شوفوا الظروف

من يوم بدات المباراة جنبي اخوي واقوله الليفر بيفوز واحد صفر بس فكوني من اليوناني الغبي وانا بخير

وبالفعل جاب العيد اخر شي

=================

برابفت لكل من يقول انها مستحيله

انا اليوم كنت اتابع الاستديو التحليلي بين الشوطين ايمن جادة قال ان نظام الاتحاد الاوربي يعتمد على المواجهات المباشرة

الليفر الان عنده 4 وان شاءالله نفوز عالمجريين ونصير 7

الفيولا عندهم الان 9

في حالة تعادل الفيولا او هزيمته راح تكون امورنا بيدنا

يعني لو تعادلوا بيصير عندهم 10

وبيصير لازم علينا نفوز بفارق اكثر من 2 عشان نتاهل

اما اذا انهزموا ففوزنا في مباراتين سيجعلنا في الدور الثاني

عموما كلامي هذا كله مبني على كلام ايمن جادة

ياليت اي واحد منكم يتبرع لنا ويشوف لنا النظام بالضبط

وتذكروا في 2005

كان باقي 20 دقيقه

و اولومبياكوس اليوناني وعلى طاري اليوناني الله يشل مخك ياركراجيكوس

نرجع لـــ2005

كان لازم نسجل 3 اهداف حتى نتاهل للدور الثاني وفعلوها جيرارد ورفاقه وتاهلوا وختموها بملحمة اسطنبول

وتذكروا اننا فعلنا كل هالكلام وفريقنا انواع العاهات

بالله عليكم قولوا لي من كان نشد فيه الظهر غير جيرارد2005

هجومنا سيسيه والله من زين الهجوم وباروش دائما مصاب

ودفاعنا تراوري وحارسنا السبهه دوديك

ومع ذلك فعلناها واحرزنا اللقب

اتدرون من اقصينا من طريقنا

جوفنتوس بطل ايطاليا ذلك الموسم والكل يعلم من كان في تشكيلة اليوفي ذلك الوقت

وبعد اليوفي اذقنا المراره لتشيلسي وكوكبة نجومه بقيادة مورينهو

وكل واحد فيكم يذكر كيف كان تشيلسي في ذلك الموسم

كان يحسم لقب الدوري قبل نهايته باكثر من 4 جولات وهذا دليل على انه كان فريق مصيبه

وفي النهائي وخلال 6 دقائق فقط سجلنا 3 اهداف في مرمى ميلان وقلبناها على رؤؤسهم

وميلان في تلك المباراة كان دفاعه مالديني وستام ونيستا وكلهم كانوا في احسن حالاتهم

ومن خلفهم ديدا اللي كان غير ديدا الزلابه هالايام

ياشباب ادري طولتها وقلبتها ذكريات

بس صدقوني الليفر يعشقها صعبه جداً

يحبها تكون ملاحم في ملاحم

الليفر كبير ياجمهوره

الليفر يعاني ويحتاج وقفة الجمهور

اصابات ملاك لايدفعون نتائج سيئه

الليفر في هالايام لايملك الا جمهوره الكبير فقط لاغير

والله ثم والله ثم والله

اليوم بعد هدف بابل نقزت نقزه رغم وزني الثقيل الكل من حولي انهبلوا من الرشاقه اللي جتني


انا صبرت كم سنه بدون دوري وبظروف افظل اجي ازعل الان وسط هالظروف

اقول خلاص والله خنقتني العبره ولو بتكلم ماراح اوقف لبكره

سامحوني على كل كلمة ماعجبتكم بس والله انها من القلب