03/11/2009, 07:47 PM
|
 | محرر أخبار رابطة تشيلسي | | تاريخ التسجيل: 12/08/2008
مشاركات: 2,362
| |
السلام عليكم 
يالله حي كل واحد بأسمه 
انا مراقب لرابطة من قبل مباراة روما وغالباً ادخل كضيف !
المهم انا ميولي ايطالي طبعاً ميلاني ولاغيرهـ واليوم فيه مباراة الديربي ,, ودي احلل المباراة تسمحون لي 
الفريق يعيش بافضل حالاته الآن بعودة الروح والانتصارات الفريق كان يحتاج الى مباراة كبيرهـ وروني يصنع الفارق عشان يعود روني وحدث ذلك امام روما ! شفت تقريباً آخر 3 الى 4 مباريات الأخيرهـ لميلان بصراحه روني بدى يرجع بعضاً من مستوياته واتوقع بتكون له كلمة واتمنى والله اليوم يلعب ويسجل موبس عشان مباراة اليوم وديربي ومدري ايش هي صح مباراة مهممة عشان تقريباً نضمن التاهل لدوري الـ 16 ولكن عودة روني لمستوياته المعروفة بتكون الفايدة الأولى والأخيرهـ لميلان ولين بس في هالمباراة !
الريال مستوياته متذبذبهـ مرهـ توب ومرهـ دروب بصراحه الريال مافيه لاعب تقول لاعب حسم كاكا لاعب عايدي جداً في مدريد وخصوصاً بعد اصابة رونالدو ماشوف الي يعمل الفارق هيجوين لاعب جيد لكن قدام نيستا مايسوي شي !
ديدا بصراحه يقدم مستويات مجنونه لو استمر على هالمستوى والله ماستغرب يكون من افضل 3 حراس بالعالم يرد كورة ماترد واتمنى مواصة هالاداء ,, تياقو بصراحه لاعب خاق معه مدافع ممتاز صغير بالعمر بنيتة الجسمانية مميزهـ زد على ذلك سريع بصراحه لاعب ممتاز واتوقع لو استمر على هالمستوى بيصير يوم من الأيام افضل مدافع بالعالم وخصوصاً انه جالس يتعلم من نسيتا  نسيتا مقدر اتكلم عنه والله اودو  لاعب جيد دفاعياً لكنه ضعيف هجومياً يساند لكن اوفراته تعبانه اتمنى اشوف زامبروتا على اليمن وخونلفسكي على اليسار اذا كان جاهز,, زامبروتا مغطي منطقته بشكل جيد نعم ضعف مستواهـ لكن مع الفورمة الي يعشيها الفريق ان شاء الله يرجع زامبروتا 2006 ! بيرلو يالبية ماسيترو الفريق هو الممول بصراحه يقدم مستوياته رائعه في آخر المبرايات ورجعلنا بيرلو زماان سيدورف بصراحه على الي يقدمة من مستويات وبهالعمر شي خيالي والله اتوقعتة انه مايكون بهالفورمة يراكض طول المباراة ماشاء الله من جد يستحق الاشادهـ وخصوصاً عمرهـ الكبير اتمنى يواصل على هل المستويات ونشوف هدف من تسديدهـ من قذائف سيدورف امروسيني اكل الأخضر واليابس من كاكا في مباراة مدريد الأخيرهـ هو صح انه عاهـ لكنه في ذيك المباراة يستحق الاشادهـ صراحه ونتمنى يكررها هاليوم وماتمنى اشوف قاتوزو اساسي لين لسى مابعد جهز 100% ! روناليدنو سبقت وتحدثت عنه ,, باتو لاعب ممتاز ولايختلف عليه اثنان مهارات سرعه استثمار الفرص لكن عيبة الوحيد هو الأنانينية في بعض الكرات لكن مع الوقت بيتعلم ويذكرني بداية باتو ببداية كرستيانو من حيث الأنانية !! بوريلو ماتمنى اشوفه اساسي ايه نعم قدم مستواء رائع بالمباراة السابقة لكن تختلف هل المباراة عن المباراة السابقة اتمنى اشوف بيبو المتخصص بالمباريات الكبيرهـ وعلى حسب مجريات المباراة يدخل بوريلو !!
اتمنى هل المباراة ماتثر على الفريق اذا خسر الفريق لاقدر الله فيه نقطه مهمه الضغط على حامل الكرة الي اشوفها نقطة سلبة لميلان لازم ماينعطون مجال للاستحواذ على الكرة وصدقوني بيضيعون
اتمنى اني كنت خفيف عليكم و تقبلوني كعضو واخ وصديق واستفيد وافيد  واعذرونا على عدم تنسيق الرد الخ لكن سويته على استعجال
صدقوني روني بتصير له كلمة في هالمباراة وبذكركم ان شاء الله
فمآن الله |
