مشاهدة مشاركة بصفحة مستقلة
  #1  
قديم 03/11/2009, 04:57 PM
الصورة الرمزية الخاصة بـ عمر123
عمر123 عمر123 غير متواجد حالياً
زعيــم متواصــل
تاريخ التسجيل: 06/03/2007
مشاركات: 144
Icon18 وانا واحد من قربائي وولد اختي ..دفعة وحدة في حفرة انلفونزا الخنازير ..تفضلوا معليش..~

بعد بسم الله ..والسلام عليكم ..واما بعد..!!
مدخـل
عند نقرك ’’موضوع جديد’’
فتحمل ماياتيك..من ردود..تعور القلب ..


مدخل ثاني
الخنازير اصابتني بانفلونزا دمـــــار
بسببها طردووني اهلي ~ من البيت
..’’
وصرت ادعي الله العزيز الجبــــــار
انه يعافيني من شر مابتليــــــــــــــت
..
وسلاممتكم..!!
[مقطع من قصيدتي اللي الفتها قبل امس]


(نخش بالموضوع)

في يوم الخميس..كان عندنا عزيمة..وجت اختى ..مع ولدها ..وكان صغير توه فرحان دخل اولى ابتدائي ياحليله.. سلمت ..عليه وقعد يسولف ..علي وش صار له ..في المدرسة..يقول اليوم كان علينا رياضة ودخلت في اثنين كباري ..<<طالع علي
,,
وانا اشوفه تعبان..يكح ومره يطلع منديل ويعطس ..وش سالفته..واجي احط يدي على جبهته وتطلع حاره..قلت وش فيك قالي رجعت يوم الربوع من المدرسة وانا تعبان ورحت بسرعة المستشفى مع ابوي ..قلت له قالوا لك شي قال مدري اسال ابوي ..المهم ...قلت مافيك إلا العافية انلفونزا الموسميه ..المهم..

واقوم الصبح على ..كحتي ..وقمت اكح كح كـ ح ـه ورا كـ ح ـه ..ووراها كـ ح ـة قلت ..يارجال ..شكله اكيد من ولد اختي ..وانا اللي اقفز .. اتصل على اخوي ..اقوله ودني المستشفى قالي ..وش اوديك مافيك إلا العافية قلت اها بس ..اغلق السماعة بوجهي..قلت في نفسي مافيني إلا لعافية ..قمت يوم السبت وراسي يعورني ومزكم وحالتي حاله ..طبعاً قايم الساعة 6:00 بالظبط عشان المدرسة تعرفون انا طالب مجتهد ..ومع ذلك غبت ماراحت ...ويوم الاحد نفسه الحاله وغبت.. بس الله هدا اخوي ووداني المستشفى.. ..فحصني الطبيب واعطاني ادويه حبوب كثيرة حسيت اني دجاجة ..قلت طيب وعطاني عذر غياب اسبوع كامل >>فله ..
وورجعت قالي اخوي وش قالك..قلت ابقوله ان فيني انلفونزا الخنازير وقلت له

واتصل على الاهل وقال السالفه لهم <<ماينقاله شي .. ..

وادخل ابرووح لاخوي يقول بعد عني اشوفهم كلهم معهم كمامات .. .. وكل واحد معه معقم .. انا قلت وش عندهم النظيفين ..

شوي يدخل ابوي ..سمعتوا وش صار .. ولد بنت عمي ..فيه انلفونزا الخنازير

وقال ..حاطينه في البيت ..وقالوا لهم ..حطوه في غرفة لحاله ..الاكل له لحاله ..
ولاتقربون له ....جاي اخوي وققال لابوي ترا عمر الطبيب قاله فيه شك ان فيك انلفونزا الخنازير

انا خفت يسووي مثل ماسوو في هذاك قلت لالا امزح والله امزح

طبعـاً محد صدقني اني امزح..


وانا جلست في المجلس لحالي اشكي همي ..كلن مبعد عني ..واذن العشاء ..

صليت العشاء ..ورجعت قلت لاختي فيه عشاء ..قالوا ايه ..بس قالت ابعد عنا بنحط لك لحالك تاكل لحالك في المجلس..

وثانياً لاتلمس شي انا اجيبه لك ..

>>قلت وجع محد يمزح معكم والله امزح معكم ياجماعة

طبعـاً عطوني اكل لحالي في المجلس ..وقعدت اطق طق في هالقنوات ..مافيه شي ..زين

قلت خلني احط ع قناة السعودية اشوف وش صار في اخبارهم

ولا اشوف جايبين اخواني اخواتي ..حقت مناحي ومرزوق ..

قلت زين خلني اتونس ..شوي ..بصراحة مناحي قبل والله ازين من اللحين ..اللحين صار مايضحك وعليه كلامات قذرة ..تافه ..ياخي ..في اخواني اخواتي افضل بمليون مره من بيني وبينك .. ..اخواني اخوتي غطى على طاش ..مره وحده
وكان فيه شخصيات في ااخواني اخواتي حلوه مثل سعد كمنجه ..
ماتلاحظون قناة السعودية قبل كانت تنتج مسلسلات قووية
مثل طاش ..من جزء 1 إلى 10 ..واخواني اخواتي وعولمة..وبابا فرحان
وسباق المشاهدين .. 1 2 3 4 5 6 7 8 ..
وفوازير الصغار ..والله كنت اتذكر ابهـار اللي تجي ..مع المقدمة ذيك العجوز..


المهم الحمد لله صدقووني ان ماصار عندي انلفونزا الخنازير..

وبقوة بعد

بعد ماراحو للطبيب ..وسالوه وقالوا له ..فيه انلفونزا الخنازير قال ..لا ..


ترا ياشباب ..والله اول مادخلت للمستشفى شفت ناس حالتهم حاله ..

حمدت ربي ان ماوصلني الامر زيهم..

الحمد لله على كل حال ..

واسال الله السلامة لكل المسلمين..



تصصَـبحون على خير ..

في امـــــــــــــــان الكريم..


اضافة رد مع اقتباس