السلام عليكم ورحمة الله وبركاته
بصراحة وبدون أي احراج .. أنا بنات أفكاري تزوجن وتركنّي ..
يعني خلاص معاد فيه مجال أكمّل ..
يعني بالعربي الفصيح .. أنا مليت منكم وأنتوا أكيد مليتوا مني

كنت طفشان حدّي والانفلونزا لاعبة فيني مثل ما يلعب الثنيان بدفاع النصر
بغيت أدردش خصوصاً أن المسن خربان عندي .. فنويت أكتب موضوع دردشة ..
بس بحكم الخبرة النتية بآكل خابور لو سويتها ..
لذلك ( ارتأيت ) وركزوا على ارتأيت زين لأني ما اقتبستها من قوقل ولا الياهو ..
ارتأيت أن أنزل الموضوع بهذه الطريقة .. وكنت أتمنى أحد يفهم أن هالخرابيط دعوة صريحة للشتشتة
لكن بعد رد أبو ناصر خاب ظني .. و ( آثرت ) الاستسلام والاعتراف ولا تنسون تركزون على آثرت لأنها برضه مش مقتبسة

إن كان فيه مجال للشتشتة .. فشتشتوا وما جاكم علي
وإن كان ما فيه مجال من قبل المشرفين .. فترى أنا مو مشاغبكم , أنا دخلت مقهى انترنت بالثقبة ولقيت هالمنتدى مفتوح وفيه هاليوزر ..
والدليل أني مو مشاغبكم هالكلمتين ( ارتأيت - آثرت )

abo_nasser
تصدق أنك الوحيد اللي توقعت أنك تكشف الهدف من الموضوع؟
الحس الشتشتي عندك نزل إلى الحظيظ
المهم تراي اشتقت لك أكثر والله

بطلة
وش سالفتكم مع ليلة سقوط بغداد؟ ترى عيب في لقطات مش ولا بد
الله يخرب بيتها بسمة ما سوت خير فينا .. ثلاث أيام معاد جاني النوم بسببها

RO7_ALHILAL
شيء كويس أنك شغلت مخك وفكرت .. كان ودي تعطينا تحليلك عشان نضحك عليك شوي
بالنسبة لمستقبل موضوعي فهو مظلم كمستقبل صاحبه هذا إن صحت تسميته بموضوع
وشكراَ على تميلحك يا فتى

شـــذى
عاد أنتوا يالاستشاريين ما ودي أنكم تفهمون القصة وينحذف الموضوع قبل ما أقول وش الهدف منه
اكتشفت من الموضوع أني مفكر وأديب لأني عرفت سر الرمزية واستطعت التحدي بها
بالنسبة للنمري .. الله يكفينا خيرهم وشرهم

يالله أستاذنكم بروح أرقد .. ويالله يا كريم ما نصبح على إيقاف