ياهي متعه ياهي وناسه ياهي فله الله يدومها

آلف مبروووك الفوز الصراحه الفريق اليوم قدم مستواء خيالي أربع مباريات سجلنا 17 هدف ولا دخل مرمانا اي هدف الفريق بصراحه اليوم قدم كل شي لدرجة انك ماتدري من تعطية الافضلية انتصار مهم بالتوقيت هذا وخصوصاً عندنا مباراة قمة الاسبوع الجاي وان شاء الله بنفوز لكن هالمرة احتراماً للمشاعر المانشستراوية نبي 3 بس ماني 4



وش تسوي يامجنوووون هدف ذكرنا بايام سامي وهدفه على الوحدهـ بصراحه ديكو مباراة عن الآخرى يثبت انه الأفضل في مركزهـ وانه يستحق المركز الأساسي , دديكو تطور مستواهـ كثيييير عن الموسم الماضي نتمنى مواصلة هالأداء إن شاء الله لنهاية الموسم من ديكو



احسبوا الهدف لكارفا تكفون وربي يستاهل الأطخم مدافع يسحب بهالشكل ويعرضها بهالطريقه الي باليالهـ اللاعبين الكبار يسوونها مثل لامبارد وديكو وجيرارد و الخ لاأنسى بعد انه بالهدف الثاني هو الي انطلق فيها ومرر الكرة الا انيلكا قبل مايعطيها لديكو رجعة اليكس بالمستوى الرائع بالمباراة السابقه ألقى بضلاله وشفنا كيف تحشيش كارفا



اضعف المبارايات لسوبر فرانكي آخر 4 مباريات ولكن قدم مستواء جيد نوعا ما ماكان بذاك السوأ اذا ماقارناهـ قبل مباراة الاتلتيكو , ساند فريرا بشكل اكثر من رائع وسجل وبغى يسجل الثاني لولا العارضة وايضاً الهدف الثالث الكعب حكاية ثانية الي غفر له كل المستوى االهزيل بالشوط الاول وبعض من مجريات الشوط الثاني , وكان فيه لقطه مميزهـ لفرانك كان تقريبا كل اللاعبين متقدمين ماعدى فريرا وكان منطلق غالبية الاعبين الا فريرا لكن تدخل لامبارد بشكل أكثر من رائع



كبيييييييييير والله



وش فيها ياجماعة الخير هدف واضح وكان صحيح بمية بالمية ! المشكله احاول اجيب عذر للحكم لعلى وعلى مالقية ,, حسنا منا ومنا لعل فيها دفعه او شك ان تسل او الخ لكن مالقينا شي من جد شي غريب وخاصتاً الهدف الملغى قبل مايجي الهدف الاول لو تعادلنا لا قدر الله وين نصرفها للحكم ؟ إيفا اليوم قدم مستواء اكثر من رائع يساند بالاك والهجوم يقطع سجل لولا الحكم الوصخ تسبب بالهدف الثالث بصراحه كان مميز اليوم بس عندهـ مشكله صغيرهـ بالاوفرات ماهو ذاك الزود , فريرار اليوم كان افضل السيئين نعذرهـ توه راجع من اصابه طويله ومالعب الا مباراتين ومع ذلك قدم مستواء جيد نوعا ما نتمنى عودة الفار والله وله فقدهـ بمنطقة الظهييير الأيسر



مايسترو ماتحس به داخل الملعب لكن من اهم اللاعبين في المستطيل الأخضر في المباريات يكفي بس ان الهزيمتين الي تعرضنا له كانت بغياب القيصر



قدم مستواء اكثر من رائع واقدر اعطيه نجومية المباراة بجانب كارفا بصراحه انيلكا بتحركاته واختراقاته قدر الفريق منها الفريق يهدد مرمى بولتون بشكل كبيير رغم انه ماسجل لكنه قدم مستواء لايعلى عليه وكان عنده اكثر من لمحة مميزهـ .



[COLOR="DarkRed"][SIZE="4"]
هههههههههههههههههههههههه

الله يرجك يالأسود وربي اني على اعصابي بعد الطقطه وشفت دروجبا مافرح قلت وش السالفة لايكون تسلل الا ويجيك المعلق ويقول تسلل واني انغبنت بصراحه هدف بالطريقه هذا حرام يلغى دروجبا مدري وش اقول عنه والله لاعب صراحة محسودين عليه كثيير يسجل ويصنع ويسوي كل شي ماشاء الله عليه



تيري الكبيتانو لاغنى عنه حتى لو انه باضعف مستوياته قدم مستواء جيد ومنع كل اختراقات الماندر وديفيز.

إيسيان قلوب من هنا لغانا بلامنازع الافضل بلامنازع في منطقته

تشيك ماختبر اليوم كثير لكن كان مميز بكم لقطة خرج من المرمى والتقط الكرة بشكل رائع .



كل واحد يقول ماشاء الله لا من جد كلن نتكلم وقال آنشي ماهو ناجح مع تشيلسي وخصوصاً بالدوري وزاد اصرارهم بعد العقوبه من الفيفا لكن آنشي عرف كيف يرد عليهم بالمستويات المجنونه والنتايج الاكثر من رائعة وايضا المحافظه على الشباك ماشاء الله نتمنى المواصلة مثل هيك وافضل بآذن الله

احس اني كثرت واجد بس الواحد ودهـ يطلع كل الي عندهـ بعد المستويات المجنونهـ الأخيرهـ

قواكم الله شباب