السلام عليكم

بصراحه استغرب من الردود الغريبه والتحليلات والتعلقيات اللي ما فيها اي شي من العقل.

ريال مدريد كان ماشي زي العسل ويفوز بالثلاثه والاربعه، والفريق كان ماشي تمام وبلجريني كان يطبق مبدأ المداوره، مع انه هالشي غلط ولكن ما نلومه عليها في بداية الموسم

النكسه اللي صارت من بعد مباريات تصفيات كاس العالم الاخيره، اللي انهكت الفريق واصابت رونالدو وانا هنا اعيد واقول انهكت الفريق.

بعدها الفريق دخل مباراة صعبه وهي مباراه اشبيليه وكان قريب من الفوز ولكن خسارته في هذي المباراه نقدر نقول انها مبرره و نمشيها للفريق كاول كبوة لهم.
بعد هالمباراه دخل الفريق بمباراه صعبه انا اشوف انه لعب وحجر لميلان وكاد انه يفوز ولكن هذيك المباراه كانت غريبه واهدافها غريبه و انتهت بخسارة الريال وانشالله انها معوضه،

الشي اللي للآن محيرني فريق يلعب يوم الاربعاء في الابطال ويلعب مباراه صعبه ومن اقوى المباريات في البطوله في هذا الدور، ليش يلعب بالدوري بعدها بيومين؟. انا اتابع دوري الابطال من سنين وما صدف انه النادي اللي يلعب يوم الاربعاء يخلونه يلعب يوم السبت بالدوري وبمباراه برا ارضه،

المباراتين هذي انهكت اللاعبين بشكل زايد عن حده و انا اشوف قرار بلجريني بإراحة اللاعبين قرار ناجح وإنشالله نشوف اثاره الاسبوع الجاي.

الخساره من الكوركون مو شي عادي ابداً وما اقدر اقول انها بسبة اللاعبين، لو تعادل الكوركون كان قلت يمكن خطأ بلجريني او اللاعبين، بس الخساره باربعه من فريق حواري شي اعجز عن تحليله ولكن اللي اقدر اقوله اني ما راح الوم بلجريني ولا اللاعبين، اللي صار نقدر نقول عنه قضاء وقدر غلب المنطق. مرات اتوقع انه اللي صار في هذي المباراه متعمد ومدبر له، ولا تخيلوا لو شخص راهن على هذي المباراه بانه الكوركون يغلب مدريد باربعه، ودخل بمية الف، انا مأكد انه بيطلع بثلاثه مليون بالراحه. اتوقع بيريز واللي معاه قالوا خلونا نطقطق على شركات المراهنه. (هذا مو كلام اكيد هذا مجرد توقع) وما اقول إلا يا هناه اللي راهن بهالمباراه.

انا متأكد انه الفريق راح يرجع لوضعه الطبيعي بداية من الاسبوع الجاي، وبإذن الله راح اقتبس هالكلام واحطه مره ثانيه لكم الاسبوع الجاي علشان اثبت كلامي.

اخوكم نايف