حبيب قلبي اسمعني عدل

ترى السالفة طويلة و تاخذ اكثر من 3 ساعات

و انت قصدك طبخة المدفون


انا قد سويتها عندي بالمزرعة ايام الشتا و طلعت اوكي حبيبي


اسمعني


تاخذ الذبيحة و تقطعها تقطيع ثلاجة يعني و تسويها نص استوا و بعدين

تحطها بصحن كبير و تتبله ببهارات و فلفل اسود و ملح و ملح الليمون و زعفران و كركم و خل و ليمون .

حلو

تاخذ موية اللحم و تحط فيها الرز و تحط فيها ملح و فلفل و زيت مقدار كوب و على حسب كمية الرز اذا كانت 6 كاسات تحتاج كاس و ربع زيت لمدة 5 دقايق على النار بس



المهم

تشخل الرز و تحط الرز فوق اللحم اللي على الصحن


طبعا قبل هذا كله


تحفر حفرة قطرها متر و عمقها متر

وتحط كيستين فحم و تحط يا طويل العمر ولعة عدد ( 8 ) و تخليه يشب و تحط فوقة الحطب و تحصله عندكم بامريكا اذا ماني غلطان

تنتظر لين ما يستوي شوي الفحم و الحطب تحط صحن اللحم و تلفه بقصدير طبعا و تسوي فتحات كبيرة شوي عشان تدخل الحرارة

و تحط قدر الرز فوق .


اللحين كيف تغطي الحفرة


يا انك تحط خشبة مربعة على الحفرة

او تحط الخشبة داخل الحفرة و تدفن الخشبة


انتظر 3 ساعات و بتشم و بتاكل احلى رز و احلى لحم بحياتك


اتمنى ما طولت عليك

بس امانة امانة و بر اس امك و ابوك تبشرني كيف الطبخة


عوافي مقدما

و ترى هذي طريقتي و صدقني الطعم خرافي و ابيض وجهي قدام الشباب


بتحصل الرز نثري و اللحم زي الزبدة