[ALIGN=CENTER]
السلام عليكم

اليوم وانا افرفر بالقنوات .. لقيت مباراة الريان وقطر على نهائي كأس امير قطر .. والله وانا اشوفها قلت الله يررررحم بس

تخيلو هييرو نجم دفاع ريال مدريد و لاعب المانيا باسلر واللي كان يلعب في باير ميونخ الالماني و بن عربية نجم فرنسا وبوشعيب المباركي اللي فحطت كل الاندية السعودية عشان تجيبه وما قدرت

كل هذولي بنادي واحد

ونادي قطر فيه نجم الارجنتين السابق بكأس العالم ..كانيجيا وكم لاعب محترف

اكيد اكثركم بيقول انهم منتهيين الصلاحية .. بس وربي اللي منتهيه صلاحيتهم ذولي يسوون اجانب الدوري السعودي كله

واللي اعرفه انه باتستوتا واللي رفض اكثر من عضو شرف مجيئة للهلال لحكم انه منتهي الصلاحية .. سجل بالدوري القطري الموسم هذا اهداف .. ما قد سجلها اي لاعب بتاريخ الدوري ( والله ناسي عدد الاهداف بالضبط )

والله حـــــــــــرام يا جماعة .. لاعب عالمي فقط ( منتهيي الصلاحية ) يسوا الاجانب اللي فقعو مرارتنا بلعبهم .. مباراة يلعبونها زين .. وعشرة زي وجيهم

روحو شوفو دوري النجوم بقطر .. وبتتحسروون اكثر و اكثرعلى حالنا اللي ما يسر لا عدو ولا حبيب

وااااااااااه يا هــــــــــــــــلال زمان[/ALIGN]