إقتباس مايقهرني ويرفع ضغطي صدق الا العاهه ليقروتالي لاسوى نفسه يركض بثقه

علي قولت سعد الله يرجك يا كلليني ههههههههههههه

والله انا انجلط كل ما شفت ليقروتبن .. ولا يقهرني كثر ثقته بالباصات الطويله .. مادري من قايله انه احسن من الونسو !!!

------------

المباراة بشكل عام .. كانت سيئه جدن جدن جدن ...

كتشكيله عناصر اليوفي ولا عناصر نادي ( أحد ) ... ما فيه ولا لاعب عنده الثقه انه يستلم كوره ويلتف ويتحرك فيها الا دييقو وميلو .. الباقين كلهم صفر ...

التغييرات بالشوط الثاني فكت الازمه والعقم هذا بعد نزول كاسيريس و كامو ..

مباراة الاربعاء صعبه جدن جدن جدن .. والمهم فيها ان المدرب ريح اللاعبين لهالمباراة وفاز بالمباراة .

الافضل للمدرب بوجهة نظري للمدرب انه يلعب بخطة 4-5-1 لأسباب كثيره ..

اولها قوة سمبدوريا بالوسط والهجوم ولما يكون الفريق مستحوذ علي الكوره اكبر قدر من الوقت ويحرم سمبوريا من لمس الكوره هذا يريح دفاع اليوفي والوسط ...

وغير كذا يكون سيسوكو وميلو ادوارهم دفاعيه بحته بدون تقدم وهذا يخفف من خطورة المرتدات ..

تواجد كاسيريس وقروسو على الاطراف يعطي نزعه هجوميه اقوى وثقه بالدفاع عكس لما يكون فيه العاهه قريقيرا ( مادري ليش هو يركض يمد يدينه علي جنب يبي يوازن نفسه الي يشوفه يقول يمشي على حبل )

كامو .. دييقو .. جيوفنكو = مهاره .. ثقه .. ذكاء

كل واحد منهم عنده الجرأه انه يخترق ويسجل ...

----

فيه نقطه تعيب علي اليوفي كنت ودي اتكلم عنها من فتره ..

لما ظهير اليوفي سواء اليمين او اليسار او حتى لاعبي الوسط .. اذا جا واحد منهم يبي يرفع ما يكون فيه داخل خط ال18 الا المهاجمين بس ...

ما عدا احيانا .. تقدم كامو ...

انا اعتبرها قلة خبره من المدرب وبعض اللاعبين .. حتى لو دييقو قصير .. بس كون انه يكون فيه 3 لاعبين باكثر من مكان افضل من انه يكون 2 بس وممسكين ..

اذا دييقو لعبها للظهير لازم يدخل مع المهاجمين عشان يزود عدد المهاجمين .. سواء دييقو او كامو او سيسوكو ( ماهو طويل ابد )

انا اتمنى صراحه اشوف زياده عدديه من لاعبي الوسط بالاوفرات ..

وحتى لما يكون فيه تنظيم للاعبين الي ماهم داخلين بالهجمه تقدر تكون مأمن وسطك ودفاعك من المرتدات ..

بما اني بالدوام وفاضي ابشرحلكم بتفصيل اكثر

نفرض ان التشكيله

قروسو .. كلليني .. كنفارو .. كاسيريس

سيسوكو .. ميلو .. كامو
دييقو

تريزي .. اماوري

فيه هجمه من الجهه اليسرى .. من عند قروسو وسيسوكو

سيسوكو ناول لقروسو وقروسو يبي يرفع .. المفروض يكون تمركز اللاعبين كالتالي



وش رايكم بالرسمه

بكذا راح تكون الاوفر اخطر بكثير .. وما راح نبالغ لكن نقول انه راح يصير نسبة تسجيل هدف من العرضيه 65%

وبدل ما يكون المدافع ممسك اماوري وتريزي بس بيكون عنده 4 لاعبين وبكذا حتى محاورهم بيرجعون واذا رجعو بتكون اي كوره تتخلص من دفاعهم بترجع يا لميلو او سيسوكو او كاسيريس

ولو ما رجعو بيكون امكانية الهدف اكبر بالعرضيه ..

ودي اشوف تعقيبات الكباتن

اكمل نقاش بعدين اشم ريحة المدير بيجي

سلاام