نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - [ EPL 10 : [ الريدز يضمد جراحة على حساب المانيو .. والبلوز يغرد وحيداً بعد الخماسية ] .. | مُتـابّعة وتقديمّ |

BENZEMA10 · #143 25/10/2009, 08:56 PM

خلونا نتفق على إن الفريق في البدايه ما يستحق الفوز
بغض النظر عن أخطاء الحكم المهزوز ضدنا و ضد ليفربول ولو إن طرد كاراغير كان راح يفرق لكن الشكوى لله ..

تشكيلة البدايه

سار
إيفرا فيديتش ريو أوشي
سكولز كاريك
غيغز فالنسيا
روني بيربا

ليش التحفظ هذا ..؟! أوكي إحترم خصمك و إحترم ملعبه و جماهيره لكن ليش كذا ..؟!
ما توصل صراحة إن المحور الدفاعي ماسكيرانو يقود هجمات فريقه مع بن تبن و النص يتفرج ..
ليش أندرسون ما طقها مكان سكولز اللي تقريبا أفلس و خلاص مهوب قد هالمتشات ..
ليش ما بدينا بخطه هجوميه بحته قدام دفاعهم الهش و قتها نضرب بهدف أو إثنين في الشوط الأول
بعدها إلعب بوسط يعرف يمسك الكوره مثل غيغز و سكولز ..

غيغز أبدا في المباراة ما كان صانع لعب حتى إذا إستلم الكوره يطلع على الطرف و يصير جناح ..!! ( ما سوينا شي )
ما دامك ما إستغليت اللمسه اللي قبل الأخيره اللي موجوده عند غيغز و حرقتها في المباراة بوضعك له كجناح
ليش ما شفنا ناني من بدري ..؟! ليش أوين ما لعب من بدري مكان بيربا المتخاذل ( قبل الهدف الأول أقصد ) ..
الهدف يتحمله خط الوسط اللي تارك الكره و الملعب لهم ..
الهدف أبدا ما يتحمله الريو .. بذكاء توريس إستلم الكوره و حضن عليها و خلا الريو في ظهره ..
في مثل هالحالات يا تعيق المهاجم و ركلة جزاء مع كرت أحمر أو تقبل هدف و تبدأ المباراة من جديد ..

أكثر شي قهرني من نهائي روما العام إن فيرجي حتى الآن ما حس إن فليتشر هو محورنا الدفاعي الوحيد عندنا
ولا فكر يجيب واحد من نفس خامته الدفاعيه على الأقل إحتياطي له ..
بغيابه أمام الفرق الكبيره راح نضيع و راح نشوف مساحات تنفتح مثل اليوم ..
لأن ما فيه واحد مستلج مثل فليتشر يمشط هالمناطق تمشيط و يقطع الماء و الكهرباء عن الفريق المنافس ..

والله حرام عاهه مثل لوكاس يصير من نجوم المباراة مع لاعبين في الأصل هم مهامهم دفاعيه و تلقاهم واصلين مناطقنا ..
و السبب ما فيه رجل يحترق من أجل الشعار و يكلف نفسه يراقب لاعب و يصلح أخطاء زملائه ..
سكولز في المباراة ككل يستلم كوره يدور على نفسه أو يعطيها كاريك و يقول له تصرف أو يخربها و يلعبها للظهير .. فقط ..

على فكره ترى أوين مو لاعب خارق ولا هو اللي تراهن عليه لكن ..!!
بتواجد لاعب مثل بيربا فراح يكون صوتي له و راح يكون ملهمي و إسطورتي و كل شي
بيربا متخاذل و متعالي على الكوره ولا يستحق حتى الآن تواجده أساسي بل يستحقها أوين المتحرك و ستايله مشابه لروني ..
و يذكرني بالأفلام اللي كان يسويها تيفيز المظلوم مع روني و الرباعيات اللي كانت الفرق تاكلها و مع أول الدقايق ..

بيربا بـ30 مليون باوند و إعارة كامبل سنه و في الساعات الأخيره و أكشن على إيش ..؟!
ولا شفت فيه حتى الآن شي يوحي أنه مهاجم يوجد المساحات لزملائه و لنفسه
لذلك ما شفنا روني كثير و لا شفنا راس حربه يستقبل أو يضرب بالراس و يستغل أوفر من فالنسيا
لأنه شبح في الملعب و يبحث عن نفسه ..

ناني لاعب مانشستراوي حاليا لذلك يجب أن يقف معه اللاعبين و المدرب و يجب أن نقدر موقفه حتى ولو كان سيء ..
يجب على فيرجي أن يعطيه الثقه التي أعطاها لروني و لرونالدو أيام ما كانو سيئين في فترات من المواسم الماضيه ..
فيرجي أعطى شارة القياده لروني و لرونالدو من أجل يستعيدو ثقتهم و بالفعل هذا اللي صار ..
و أتمنى إن المدرب يعطيه حقه و إذا كان فيه رؤيه للمدرب أن اللاعب خارج خطط الفريق خلوه يطلع في يناير
أو عطوه الثقه اللي يستحقها كل لاعب مانشيستراوي من مدربه و زملائه ..

هاردلك الهزيمه و مبروك لليفربول