هلا حبايب ..
هاردلك التعادل اليوم
صراحة المباراة اثبتت من خلال المعطيات و البرهان ان الفريق ليس يمر بازمة .. بل عنده كمخة يدربه
نقاط غريبة صارت في المبارات
1) كاسيراس 
شباب ممكن واحد يعلمني ليش ماخذين ذا الادمي المملوح اعارة ... ؟ ولا بس شكل على الدكة
لا قريقير و زبينا ولا حتى جوروسو يقدرون يسوون مثله
اخر مباراة لعبها كان اليوفي فايز اللي هي مباراة ليفورنو
الولد صراحة قدم مع المنتخب مستويات خيااال 
و اخرتها يصف احتياطي لعيون المزيون ابو قرقر
2/ فارغاس 
ايام ما كان بكاتانيا كان سعره بـ3 مليون
و اذكر ان اليوفي عرض عليه بس 2 مليون و الفيولا زادوا على عرض اليوفي نص
و اليوم ... ما اقول الا موتوا بغيضكم
لا جيروسو ولا مولينارو ولا دي شلي ولا اي ظهير باليوفي يقدر يسوي ربع ما يسويه بالفيولا
" اوفرات , اختراقات , تسديد ، سرعة، مراوغة "
و الله اللاعب ذا من ايام كاتانيا و انا اقول هو افضل ظهير يسار بالدوري الايطالي ... واسئلوا ايوب بعد
و الله اليوم كل ما شفته و شفت قوروسو يستلم الكورة عفت الفريق كله
3/ يوفيتيتش 
ابو كدش ذا .. هذا الله يسلمكم جاء للفيولا قبل سنتين
تدرون متى بالضبط .. يوم اليوفي يعلن عن صفقة اماوري
الولد كان عمره ذاك الوقت 19 و الحين هذاه على مشارف 21
بس صحيح ان المبلغ اللي دفع فيه كان كبير ذاك الوقت 12 مليون على واحد عمره 19 سنه
بس صراحة الحين يسوى اماوري و ياكوينتا كلهم سوى
هذا اللعب اثبات ان مهب لازم اللعبين الصغار يكونون سيئين
بس و الله العضيم مفارقة
نفس الوقت جوا " اماوري و يوفيتيتش "
12 مليون و ذاك تقريبا 25
و الحين ابوا 25 توه يسجل من 7 شهور
و ابو 12 أدب ليفربول بالتشامبونز
4/ شبيه كابيلو 
لا تعليق .. صراحة الرجال بداء يثبت انه مخي اكثر من رانييري > مخي تعني يعرف يستخدم مخه
يعني رانييري كان يطلع ظهير و يدخل ظهير ... مهضومه شوي
بس راس حربة و تدخل ظهير .. هذي ما تنهضم ابدا
5/ دي شيلي
المسكين دي شيلي بدا مستواه يتراجع و السبب دائما هو التوظيف .. يا يصير صانع لعب يا جناح يسار .. و الولد اصلا موقعه ظهير
6/ بولسن
طبعا بولسن مستواه ممتاز المباراة ذي
بس العيب هو ان الفريق عنده قوه دفاعية قويه في الوسط
" سيسوكو و ميلو "
ليش تدخل بعد ارتكاز دفاعي
و الله لو انك تلعب قدام البارسا ما صكرت كذا
المفروض و المعقول اشراك محور هجومي و الانسب هو كامو
7/ غيروسو
فيريرا ما اشوفه يقول عنه اي شيء كان الرجال يسوي المطلوب
المباراة كلها ماسوى خير الا بكورة وحدة
حقت اللي تداخل فيها ياكوينتا و اماوري بس
غيره ماسوى شيء
جريجرا اللي هو ابو القرقر حاول و رفع رفعات غلط و حاول يخترق
اما ابو الغيروسو هذا و الله ما سوى الا انه يمشي على الخط
8/ اماوري و ياكوينتا
بانت علومهم
خصوصا في ياكوينتا الاناني .. بالله ياكوينتا لو يناول يصير افضل مهاجم في تاريخ الكاتشو
بس مايعرف ابد يناول ...
اماوري احس انه في حركات طفولية كثيرة
خصوصا بعض الكرات من قبل تسجيله للهدف كان يحاول ما توصل الكورة لياكوينتا
يعني اذا ما تنولي اخرب عليك
و عشان ذي المشكله صار ديغو ضايع .. لا ياكونتا يسوي خير ولا اماوري بمركزة
لو تلاحظ في المبارات اغلب الكور من بعد الهدف يتدخل عليها اماوري مهما كانت ... خصوصا اذا صار وراها ياكونتا
و اللي زاد الطين بله الهوشة قدام الدفاع ... هذي خلت دفاع الفيولا يخذ ثقة كبيرة و صاروا يتقدمون و يشكلو خطورة عشانهم ظامنين ان هجوم اليوفي فيه مشاكل
9/ القيادة 
صراحة الهجوم و الدفاع دائما بحاجة الى القواد
الملك و الصخرة ... اذا غابوا اعرف ان اليوفي مهب يومه
اليوم شفنا دفاع افضل من الدفاع قدام باليرمو ليش ان كن كن موجود ... بس الى الان ما شفنا الهجوم الصاحي ... ؟
الفريق يفتقد القيادية قدام .. يفتقد الموزع المحرك .... المسجل و الحاسم
الى متى ننتظر منت اماروي بهدف كل 7 شهور و ياكونتا بفك الكور
هذا اللي كان ببالي من المباراة
و علما فيه نقاش قادم .... بس حبيت ااجل النقاش حتى تهدا المعركة ... 
دمتم سالمين
