Hello السلطاني ضيف عندنا؟ أحلى كلام ..  وأحلى تحية وترحيب بأبوفارس ..!!  خخخخخخخ ما يمديني على البطاقة التعريفية  قلّت التعاريف يعني؟ ما لقيتوا إلا نوع الجنس ذكر؟ خخخ كان ودنا ببطاقة تعريفية .. لكن الظاهر أنه بخل بها في ملفه الشخصي وبالتالي لا يلام الأخوان المضيفين ولو أن ودي أنهم حذفوا (ذكر) لأن ما عندنا شك في ذلك أبداً بالنسبة للأسئلة : 1- أدمنية الروم غيرك وغير (أتعب أنا) ما أعرفهم بصراحة ولا أقدر أقيّم كفاءتهم وإن شاء الله أن فيهم الخير والبركة ..! لكن حصل لي موقفين متتاليين في روم الزعيم بالبالتوك كرهت فيها الروم باللي فيه ومعاد دخلته بعدها .. مرة من المرات كانوا يتكلمون عن جيرتس .. تداخلت أنا وتكلمت بالمايك عن تصريح سيء لجيرتس .. طلبوا رابط التصريح وجبته من الموقع الأجنبي .. يوم حطيته قالوا ممنوع تحط روابط بدون استئذان  اعتذرت وواصلت مناقشتي ثم نزلت من المايك .. بعدها بشوي .. بدون سبب تم طردي من الروم .. تم تدارك الأمر وارجاعي للروم بطريقة مدري كيف .. جتني دعوة ودخلت .. ما كان فيه اعتذار قلت مو مشكلة أنا قلبي كبير الموقف الثاني .. كان فيه نصراوي يتكلم بالتكست كان محترم جداً .. رديت عليه بكل احترام .. فجأة تم طردي من الروم ..! حاولت أتذكر أنا وش قايل؟ رحت أتأكد أن الكام موب شغالة لأني كنت وقتها بالسنّاوي وخفت يكون السبب ( العرض ع الكام ) بس ما كانت شغالة .. بعد ما عصرت الذاكرة تذكرت أني كتبت جملة جداً عادية وبالعكس والله كانت تدل على أخلاق طيبة .. قلت ( هلا والله بأخواننا في روم النصر ) .. كنت أرحب بالنصراوي المطرود من روم النصر .. وهم حسبوني أقول مرحبا بأخواننا الهلاليين وحياكم تجوننا في روم النصر بعدها طلعت وقلت وشوله أنقهر وأحس أني انهنت ومنب قادر أسوي شي؟ فلذا معاد دخلت ..! لكن إذا ودك تحاول معي وتطلبني أرجع فترى عندي شروط  << أمزح 2- ما شاء الله عليك تبذل جهود كبيرة في الروم وفي المنتدى .. وهذا بلا شك مجهود متعب لأي شخص حتى لو ماكان لديه التزامات .. وعلى ما أملك من معلومات من مصادر متعددة كنت قد قدمت الاستقالة أكثر من مرة وتم رفض الطلب ( والحمد لله ) السؤال هنا .. هل ما زالت فكرة الاستقالة تراودك؟ لأني كثرت كلام .. بأخلي الأسئلة بعدين .. لكن تكفون يالربع خلّوا الهنوف ترد في الصفحة الثانية أو الثالثة .. ما له داعي يتحطم السلطاني من أولها لما يشوف موسوعة الأسئلة اللي بتحطها الهنوووف 
اخر تعديل كان بواسطة » الـمـشـاغـب في يوم » 13/10/2009 عند الساعة » 08:14 AM | 