ألف مبروك علينا وعليكم فوز الزعيم الصغير على عواجيز النصر ..
والله وسووها الصغار بعد ما عجزوا الكبار .. كفو

جاري الرد على بعض الردود والله يعين ..
بس أنا عندي التماس وطلب للمشرفين الله يجزاهم خير ..
إذا كانوا يبون يحذفون بعض الردود - مع أنها ما تشكل لي مشكلة - فيا ليت أنهم بس يحررونها بدون حذف..
عشان ما يقلّ عدد الردود على الموضوع ..
ما شاء الله تبارك الله خمسة وخميسة .. كل ما ابتعدت ورجعت أشوف شعبيتي في ازدياد وعود في عين الحسود ..!
دائماً أفتخر عند الكثير من أصدقائي وأرسل لهم ملفي الشخصي عشان يشوفون عدد الزوار اللي تعدى الـ 15 ألف .. وعما قريب إن شاء الله بيتجاوز العدد عدد الأعضاء المسجلين وأنافس شبكة الزعيم ..!
البعض يقول لي أنت يا سلطان لو تكتب موضوع ما فيه إلا كلمة وحدة بتلقى عشرات الردود .. مو مجاملة وإنما لأن كلامك من ذهب والكل يتمنى يوصل اللي وصلت له من شعبية ويحاول يحتك بك ولو شوي ..!
بصراحة أنا إنسان متواضع ولا أحب أمدح نفسي كثير .. لكن وش أسوي لازم أعترف بالحقيقة أني صرت شاغل الدنيا ومالئ الناس ومعشوق الجماهير
( وعود في عين الحسود )

ما علينا .. إيه صح تذكرت .. ترى اللي يطلب الموضوع في مكان غير الخاص ما راح أرسله له .. لأني أبي الخاص يمتلي عندي بعد ما حذفت أمس 1000 رسالة

نجي الحين للردود

ريكيلمي :
هلا وغلا إياد .. واحشنا يا باشا والله
كلماتي قديمة؟ .. تصدق توي تعلمتها
بس يقولون قديمك نديمك وكل ما صنته صانك
إذا تبي الموضوع فارسل الطلب بالخاص وانتظر لين يجيك الدور
لا عدمت هالخشة

alhilali15 :
هلا وغلا بالهلالي الخامس عشر
يا ليل يا سالفة الاقتباس .. منتوا ناوين تنسونها؟
الظاهر بأكتب الموضوع الجاي مقالة بالفصحى عشان أثبت لكم نجاحي فيها .. وعاد
دليل نجاحي هو كثرة الردود والتشجيع اللي أنا متعود عليه <<
يحق لي الغرور والا؟
جزاك الله خير على التذكير .. فالصلاة وقراءة الورد تحمي المسلم بإذن الله من السحر والجن ..!
كان بإمكاني أكتب مثل هالكلام في فقرة : ما يستفاد ..! لكن قلت وشوله التعب دامني ضامن الردود والنجاح؟
شكراً لك يالهلالي لا عدمناك

الزعيم osams
هههههههههههههههـ يا خواف
هلا بك يالزعيم
أبشر بالعوض .. بالموضوع اللي راح يخليك تفطس من الضحك إن شاء الله ..!
( ارسل لي بالخاص ) ومثل ما تعودتم من سموي الكريم خفة الدم والمواضيع المميزة
شاكر لك مرورك يا بعدهم

وليد القحطاني
أهلاً وسهلاً وليدوه
أول شي يسلمو على الترحيب ..
الله يعينكم ويشفي مريضكم .. اللهم آمين ..
والكوابيس أدري إن شاء الله أنها مجرد تخويف من الشيطان ولا منها ضرر بإذن الله ..
شكراً لا إلك على هالمرور

متآبعه بصمت
أهلين وسهلين متابعة بصمت
أفا .. أنا وع؟
ما توقعتك كذا
الله يحفظ الجميع ولا يرينا مكروه لا فينا ولا في من نحب
شكريا كتيرا على هالمرور يالقدعة الوعة

abo_nasser
هلا وغلا فوفو
ارسل بالخاص وبتصير أولي
بيننا بكرة إن شاء الله على باكك لأني بروح أنام

мя.ħάίţħάм
يا هلا والله مستر هيثم
أجل تشكل لك هاجس عاطفي قصص الجن؟ خخخخ
ولا يهمك بأجيب لك أي موضوع حليو وبأرسله لك بالخاص بدون ما تطلبه .. ولا يهمك

لين هنا وطفييييت ..
تصبحون على خير حبايب ألبي