$$ أن ذلك يضفي على الحركة المرورية لمسات سحرية وجمال أخّاذ.

$$ كذلك قيادة المرأة للسيارة يحجم بل يمنع مشكلة تهور الشباب وقطع الإشارات المرورية فسيحرص الشباب كل الحرص على ان لا تفوته إشارة حمراء لعل الله ان يرزقه(( ببنت الحلال )) في تلك الإشارة.

$$ سعـــــودة محلات البنـــــشر بنسبة 100% لأن الشباب كل واحـــد بيفتح له بنشر وبينتظر تبنشر سيارة وحده من البنات عشان يصلحها وهذا غير الشباب اللي بتلقاهم على الخطوط منتشرين تقل جراد كل واحد بعفريتته ومفك الكفرات للخدمة.

$$ بيكثر التقديم على وظايف المرور وخاصة ابو سبيته اللي يجلس عند الإشارات يعني زين اذا مالقيت المرور يشترطون شهادة الطب للى يبون وظايف عندهم من كثر الطلبات عليهم.

$$ سعودة محطات البنزين يعني بدل الهنود بتلقون اللي يشتغلون فيها كلهم سعوديين بس في المقابل قابلوني لو أصحاب المحطات بيكسبون ريال واحد يعني تجي البنت تقول لأ بـو الشباب صب بنزين بعشره ريال طبعا ابو الشباب بيحط لى البنزين في التانكي وبيفتح فمه ويناظر بالبنت ما يدري الا هو معبي تانكي السياره لللاخر يعني FULL وطبعا يوم بيجي يحاسبها بتعطيه عشره ريال مثل ماقالت له عب وياليته ياخذ العشره ريال بعد الا يطمر ويحلف عليها ماتدفع ريال ويقول هالمره خليها علينا .

$$ توفير فواتير التلفونات يعني ام صويلح اللي كانت تتصل على ام دحيم وتجلس تكلمها بالساعات بيصير التلفون مال امه داعي يعني ام صويلح بتمر ام دحيم والا بتقابلها في شارع وكلن بسيارتها وهاتك سواليف وهروج وهذا طبعا له عيوب يعني طبعا وهم يتكلمون بالخط بيقفلونه وبتصير زحمه ماهيب طبيعيه بس قابلني لو احد فتح فمه وقال لهم حركو السيارات زين ان ماباشرو عليهم ببارد والا بعشاء وهن بسياراتهن وبيقولون لهم خذوووو راحتكم على الاخر اصلا حنا ماورانا شي وين الأبطال اللي الواحد ثواني يوقف سيارته مايدري الا مليون واحد يقوله حرررك من هنا والا والله 0000 بس ايييييييييييه هين هذول بنات من بيكلمهم هذا اللي في دمغتي في هالوقت بس اظن فيه كثير بعد اذا افتكرت شي جيتكم


وعلى فكرة فائدة قيادة السيارة لا تقتصر على البنات الشباب لا و حتىالمتزوجات ومن ذلك:

$$ انه اذا حصلت خصومة بين الرجل وزوجته واحتد الامر وعلت الاصوات وامتدت الايادي)) وصفقها وصفقته(( واحمرت الاعين وتطاير الشرر منها وارغى وازبد كل منهما... عندها ستقول الزوجة لزوجها(( ودني لهلي(( وسيقول الزوج)) ماني موديكي )) وستستمر المشكلة ولكن لو كان للزوجة سيارة فستخرج رغما عن زوجها وستقول له )) اروح ورجلك فوق رقبتك)) وتركب سيارتها وتخرج مرفوعة الراااااس.

$$ كذالك من فوئد سياقة الزوجة هو انها تساعد في احضار الأولاد من المدرسة وكذلك يمكن للمرأة (( الزوجة)) ان تسهم كما اسلفت في مصروف البيت وبذالك بأن(( تمارس مهنة(( شيّاب (( اي تحميل الركاب .. وهنا اوصي المرأة بإقتناء الهايلكس الغمارتين وإذا لزم الامر (( دينا)) لتحميل الطوب ونفل العفش والرمل والخرسانة .