نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

Blue Sun · #2 11/10/2009, 12:48 AM

هلا والله وغلا وردة الهلال ..

الحمد لله على السلامة .. وين الناس .. !!

على طاري قلم الرصاص ...

انتشرت ايامها عبارة ( الحب عذاب ) .. وقلب داخله سهم ..

وطاح فيها كل العالم .. ما تلاقي طاولة او كرسي او دفتر الا مكتوب فيها ..

طبعا ايامها كنا بزارين والله ما نعرف وش معنى حب ..

بس مع الخيل ياشقراء ..

وعلى طاري الاضاحي ومشاكلها ..

اذكر يوم عمري 4سنين وكم شهر .. الوالد الله يطول بعمره ذبح الاضحية بالبيت ..

وانا جيت الحوش مدرعم ما ادري ان الدعوة فيها ذبح وسلخ ..

ويوم اشوف الخروف واقف وراسه مقطوع والدم مثل النافورة من نحره ..

كان المنظر صدمة بالنسبة لي , من بعدها عوفت اكل اللحم ..

الى ان كبرت شوي وبديت استوعب الموضوع وعرفت ان هذي سنة الحياة ..

ورجعت اكل لحم .. وبالعكس صرت اتلذذ وانا اكله ..

والضب ما اذكر صار لي معه موقف شخصي ..

علاقتنا مع بعض سطحية سلام وانت ماشي ..

يعطيك ربي الف عافية وردة ولا تحرمينا تواجدك ,,