علي

إقتباس معليش عندي عدة أسئلة؟؟ أنا دايم أبحث عن هذا الموضوع اللي هو كاتلونيا وإسبانيا ... ذالحين هم يكتبون نادي برشلونة الإسباني بينما أحياناً يقولون النادي الكاتلوني ... طيب ,, كل لعيبة برشلونة الأسبان , إنتمائهم كاتلوني في نفس الوقت يمثلون منتخب إسبانيا ويحتفلون اذا فازوا ,, حتى الصحف الكاتلونية احتفلوا بفوز إسبانيا بالكأس الأوروبي .. وش القصة ؟؟؟ أتمنى أنكم تشرحون لي السالفة كاملة ... ولكم مني جزيل الشكر

فيه منتخب لكاتالونيا .. بس غير معترف به من قبل الفيفا
ويلعبون له تشافي وبويول وشلة الكاتلونيين من برشلونه واسبانيول وغيرهم

بس مثل ماقلت لك .. غير معترف فيه هالمنتخب .. لذلك مايلعب الا كم مباراة بالسنه
أما البطولات الرسميه .. اللاعبين الكاتلونيين يشاركون مع منتخب اسبانيا
فيه كم لاعب كاتلوني .. مثل أوليغر ظهير البرسا سابقا .. كانت فيه أنباء صحفيه ان المنتخب الاسباني بيستدعيه
وطلع وصرح أنه لن يلعب لغير المنتخب الكاتلوني .. ولن يقبل باستدعاء منتخب اسبانيا
من زين لعبه هو ووجهه هالنكبه
المهم اللاعبين مثل تشافي وبويول وغيرهم .. يقدرون يرفضون الإنضمام لمنتخب اسبانيا ..
لكن صعبه لاعب بهالحجم ومايشارك باليورو ولا بكاس العالم .. يعني اللاعبين يبغون يشاركون بهالبطولات .. ولا لو كان المنتخب الكاتلوني مسموح له باللعب بهالبطولات كان سحبوا على منتخب اسبانيا
عندهم تعصب غريب هالكاتلونيين .. بعذرهم والله مابوه مثلهم
لدرجة انه بالمباريات الرسميه .. الشراب(بوضع الشده على الراء ) وانت بكرامه .. الشراب الخاص بمنتخب اسبانيا .. يكون فيه بأعلى شيء ألوان أحمر وأصفر ومدري ايش .. المهم انه تدل على اسبانيا
بكثير من المباريات الرسميه .. بويول وتشافي يصفطون الشراب عشان ماتطلع الألوان هذي اللي ترمز لأسبانيا









..
المقصود انهم يشاركون مع المنتخب .. لأنه صعبه مثل هاللاعبين مايشاركون بالبطولات العالميه
وهالشيء راح يؤثر على شهرتهم وعلى شعبيتهم وعلى العقود اللي توقع معهم من قبل الشركات الراعيه مثل نايك وأديداس .. وغيره الكثير من السلبيات

أتمنى أكون أفدتك