^^^
تمون تمون خذ راحك
تراي دخلت الموضوع من مقهى... هجّيت من البيت بسبب هالمودم الصهيوني
اسمحوا لي بالردود الله يجزاكم خير... عطون على قد عقلي بحكم اني شايبكم
عاد اليوم اجتمعت علي المصايب
المودم ابن التسلب
والفوال ابن التسلب هو الآخر
ابن الكلفس قتل فرحتي اليوم
يوم جمعه.. مافيه دوام... قايم من النوم بدري على الساعة ثمان رغم اني نايم متأخر عقب الفجر
واروح من الفرحة مابقى شارع مادخلت به عرض وبغيت اصدم بنغالي
كل هالزيطه والزمبليطه علشان الفووول... رايح افطر فووول... أضناني الشوق وعذلوني فيه عشاق الشكشوكه
ونكب عفشي هالفاغر الله لايوفقه... قال لي لاتاخذ فول جرّه وجرب الفول الصنعاني
وجاب لي فول دردبيس مطاريس ... تقل حويق بزران... قسم بالله تقل صحن سيريلاك معجون بفاصوليا
انا من يوم شفته جايبه لي بمقلاة بيض وانا غاسل ايدي
خرب جوّي وخربت الاخلاق وضاعت من عمري لحظات الانتظار طوال السبعة ايام الماضيه
الله يحوس مريرك كانك قتلت فرحتي ياشبيه العجل
