السلام عليكم

الله يعطيكم العافية يا عبدالله و أنس و نواف و بدر على هالتقديم المميز جداً

اسبوع حاسم يمر به العالم لعيون جنوب أفريقيا .. أوروبا خلاص أخر اسبوع عندهم .. مباراة البحرين و نيوزلندا في الملحق حاسمة .. أمريكا بعد خلاص هالاسبوع يخلصون .. اسبوع حاسم بيوصل فيه الدم للركب



إن شاءالله ينقلب الحال و تتأهل السويد و البرتغال .. مباراة السويد و الدنمارك مهمة جداً و إن شاءالله يقدرون السويد يفوزون لعيون ويلي و بهالفوز بيشاركون الدنمارك الصدارة .. و البرتغال تفوز على المجر بتبقى في المنافسة و تنتظر نتيجة مباراة الدنمارك و المجر يوم الربوع .. طبعاً البرتغال مالها أمل الا على الملحق

بالتوفيق للسويد و البرتغال





التشيك تطلع بسبب هالمنتخبات النايمة يا حيف ع الرجال يا حيف

التشيك أملها قوي .. في حال فوزها قدام بولندا بيكون تأهلها بيدها بإذن الله في حالة خسارة سلوفينيا .. و خسارة سلوفينيا متوقعة بكرة لأنها بتلعب قدام سلوفاكيا .. اصبروا حتى ايرلندا لها امل .. اقول هاردلك خروج التشيك الا ان صارت معجزة و دخلوا الملحق !



هذا ما يُقال عنه ان الدم سيصل إلى الركب .. مباراة حاسمة فعلاً للألمان و الروس .. و إن شاءالله ياخذونها الالمان و يتأهلون مع ان هيدينك ما يهون علي لكن ما ودي ان بالاك ينكرف مع منتخبه زيادة في هالملحق

بتكون مباراة خاصة و هي قمة الجولة



يا لبى هالانجلترا تأهل خالصين منه .. بدون أي تعادل و لا هزيمة إلى الآن .. أقوى هجوم في التصفيات الاوربية من بين كل المجموعات بواحد و ثلاثين هدف .. وش بقى ما سووه بهالنقاط الكاملة و افضل هجوم

المباراتين الجاية للتاريخ فقط إن أرادوا الانجليز جعلها للتاريخ



فرنسا تقريباً ضامنة الملحق اما التاهل المباشر صعب جداً لأن صربيا مبارياتها تقريباً سهلة



إيطاليا أملها قوي جداً .. و ننتظر مباراة مجنونة قدام ايرلندا زي هذيك اللي شفناها قدام اسكتلندا

= = = = =

بالنسبة للتصفيات الباقية بالتوفيق للأرجنتين والله شيء يقهر هاللي يصير بخروجها .. تقريباً الارجنتين برى بسبب هالمحشش نهايته في قلوب الارجنتينيين قربت

بالتوفيق للبحرين