بس انا اشوف الدعيع واشوفه من فتره
مو لهدرجه سيء
بس اليوم المشكله في قلوب الدفاع وكل الأهداف جت بنفس الطريقه كور طويله من عمق الدفاع
السعيد والدعيع انا اشوفهم في مباريات يقدمون اداء مميز
بس اليوم مادري وش فيهم علاممه تعجب على مستواهم مو بس هم
الفريق كله سيء
وصراحه تكلمت عن هذا الموضوع كثير
واعذرني بنسخ لك رد سابق في أحد المواضيع
-------
انا الكلام الي بقوله مو عشان الفريق أنهزم من النصر بـ 3 اهداف
ويمكن تكون أكثر من كذا
بس لما نشوف فنايل تتحرك هنا المشكله لو انهزم الفريق وقدمو مستوى عادي بنقول لهم ماقصرتو بس ما أدو وفريق سيء سيء سيء !!
مافي ولاجمله تكتيكه صح
وكأنهم يلعبون وبدون مدرب
وين الاعبين الي سجلهم النادي
" الاعب الموهوب سجل في نادي الهلال بعد محاولة عده من بعض الأنديه لكسب خدماته !! " كل موسم نسمع هذا الإسطوانه !!
الاعب الموهوب موهوب في الفطره وما أنكر ان في كذالاعب في الفريق ينبئ له بمستقبل بس مين الي يقدر يصنع فريق !! ويقدر يساهم في تطوير موهبته لـ خدمة الفريق ؟؟
لامهارات في التسديد
لامهارات في إستغلال الكرات العرضيه والثابته
مايعرفون متى يتسغلون مهاراتهم والتسحيب والكباري في خدمة الفريق مو تعطيل الفريق في هجمة مرتده !!
استغلال الهجمه المرتده بشكل سليم
الإنتشار السليم في الملعب
كل هذا المسؤول عنه الأول والأخير المدرب اذا ماطور الاعبين وعلمهم كيف يستغلون هذي الأمور كيف بيصعد الاعب لـ الفريق الأول وهو يفتقر لـ جميع مقومات "الاعب " في السابق الكره طقها والحقها الآن الكره" فكر ومهاره وذكاء"
المدرب للأسف مادري وش يسوي مع الاعبين
احس مافي تطور في إمكانياتهم
ولاشفت اي جمله تكتيكه داخل الملعب
بعكس النصر ادى مباره كبيره
والي يقول ان الهلال ناقص 6 لاعبين
اقوله وين البديل ! ليش مايكون في بديل مميز مثل الأساسي ؟؟
وين دور المدرب وين دور الإداري الدعيم والحبشي وغيرهم الي يستقطبون لاعبين
على الرغم من تواجد كم هائل في خط الوسط والمحاور وإستقطبات الموسم كله سواء ناشئين او شباب في الوسط والمحاور الا ماشفنا منهم اي شي في هذا المباره
الخطوط متباعده
الوسط والدفاع كانو سيئين جداً
90 دقيقه ومافي ولاهجمه منظمه !!
تمريرات مقطوعه !!
المهاجم الوحيد مانقدر نحكم عليه لأن مافي ولاكوره وصلت له
والحارس أدى الي عليه وماقصر
بس مافي احد يغطي عليه لا دفاع ولامحاور!!
الفئات السنيه بحاجه لـ نظر ..
ولما أشوف فريق بـحجم الهلال لايمتلك قاعده مميزه ولا مدرب يقدر يصنع فريق كامل جيل مميز !!
لو أشوف كأس العالم لـ شباب وأشوف لاعبينـا !! انصدم بصراحه مادري هل العيب فيهم او في المدرب ؟
لاإمكانيات .. لامهاره .. لا جمل تكتيكه
لعب عشوائي بحت ومو بس في هذي المباره من الموسم الماضي والهلال الفئات السنيه بشكل عام يعاني من اللعب العشوائي والأنانيه وحب الذات .. اللعب الجماعي مشطوب ..
ارجو إعادة النظر في الفئات السنيه وخصوصاً ان الأميربندر بن محمد يدفع وقدم الغالي والنفيس لـ الفئات السنيه بس لابد من المراقبة اعمال الإدارين واعمال المدرب ومايترك الحابل بـ النابل !!
وهذا الكلام مو وليد اليوم على فكره ومو عشان الهلال إنهزم من النصر
وماتعودت أكتب على أساس ان الفريق أنهزم أبنتقدهم ..
هذا الكلام من مواسم ماضيه أفتقدناها في لاعبين الهلال الشباب
وخير دليل فريق الأول للهلال شوف كم لاعب من مدرسة الهلال !! ينعدون على الأصابع وجيل للن يتكرر!!
اما الي صعودو للفريق الأول إما تنسيق او إعاره !!لاعب او لاعبين يصعدون للفريق الأول لأنهم موهوبين من الفطره (الفريدي +الدوسري حالياً)
على فكره البطوله تنشيطيه ومايهمني تحقيقها
انا همي الوحيد أن أرى الهلال جيل مميز يمتلكون جميع مقومات الاعب
المهاره وحده لاتكفي ..!!
