نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة ♥ ريال مدريد ♥ ||

BENZEMA10 · #7739 08/10/2009, 02:04 AM

RMS

كيف حالك عساك بخير ..؟!
يعطيك العافيه على هالكم سطر و صدقني الكل راح يقرا الفاضي و اللي مشغول ..
و كويس جيت في وقت فيه الدوري موقف و مدريد بننحرم منه و مالنا إلا النقاشات ..

ريال مدريد رياضيا بخير
واللي يشوف التصاريح وقت ما كان الفريق يفوز قبل ما نخسر الخسارة الأخيره يدري إن الوضع مسيطر عليه
حتى بعد الخساره كل شي إيجابي و منطقي ..

فالدانو و بارديزا و بلجريني حتى و الفريق كان يفوز كانوا يشيدون بالنتائج
لكن يقولون لسى حنا على بال ما تبان لمسة المدرب نحتاج وقت و الفريق يحتاج إلى السلاسه في الأداء و و و و إلخ ..
يعني و الفريق يفوز كان فالدانو و بارديزا كانو يشوفون إن الفريق لسى ماصل للمستوى المطلوب و هذا كله مسألة وقت ..
بلجريني و كثير من اللاعبين ( كاكا / تشابي / جرانيرو / أربيلوا ) و غيرهم وقت ما كان الفريق يفوز يقولون نحتاج إلى التحسن إلخ..
يعني الكل في مدريد متأكدين إن الأداء اللي قدموه ولا شي بالنسبه إلى المطلوب منهم و من جمهورهم العريض و العاطفي ..

ومن أكثر الأشياء اللي عجبتني أن الإداره على طول و الموضوع لسى ما برد إجتمعوا مع بلجريني
و الأداء اللي كان عليه في المباراة الأخيره و في إعتقادي إن هذا الإجتماع هو بداية إنطلاقة مدريد ..
و قوف الإداره مع المدرب ممتاز ولا كان فيه غضب ولا أي شيء من هذا القبيل ..
بل أنهم تقبلوا الخساره لكن كانو يريدون معرفة أسبابها و الإجتماع كان ودي للغايه مثل ما قرينا و سمعنا ..

إقتباس


	"اننا لا يمكن ان تكون أكثر ارتياحا إزاء ما تم تحقيقه حتى الآن. لدى الفريق 15 نقطة من 18 ممكنة في الدوري الاسباني ومما لا شك فيه أن الفريق قد فاز في اثنتين من مباريات دوري ابطال اوروبا. ويعمل الفريق بشكل جيد ، ويجب أن يكون قادر على المنافسة . اللعب جيد سيتبع ذلك "

هذا من كلام فالدانو في المؤتمر الأخير ..

إقتباس


	اصنع فريقك يا بيلي ، ثم ارح لاعبيك .

بالفعل أنا أول ما شفت مانويل بدأ المداوره
كان فيه عدد من اللاعبين اللي يمشي عليهم هالنظام وقتها قلت يمكن الرجل عنده شي و عنده فلسفه يبي يوصلها ..
لكن مع المباريات كنا نشوف فوز بمهاراة فرديه مع بعض الشو في خط الوسط و بالذات ألونسو ..
بلجريني يجب أن يوجد التشكيله الأساسيه بعدها يقوم بالمداوره لجعل مدريد أكثر إنسجاما ..
ولو إنها معروفه مثل ماجاء في مقالة ألفريدو ريلانو + اللاعب رقم 11 ..

إقتباس


	اتمنى ان يكون من اول خيارات مانويل ( جرانييرو و هيجوايين )

وجود لاعب مهاجم بجانب كريم أعتقد إنه سيخلق المشاكل لدى الفريق الخصم في حال تفاهمهم ..
لكن بما أن هذا الشي جربه مانويل في مباراة إسبانويل ولا نفع ( بالنسبه لثنائيه هيجويين و البنز ) ..
ولو إنه مبكر نقول هالشي لكن أنا أتحدث عن واقع ما شفنا ..
إضافة على أن اللعب بمهاجمين من ضمنهم راؤول أثبت فشله ما عدا في مباراة زيوريخ ..
لذلك حتى الآن و من أجل تحرر الثلاثي الرهيب ننتظر أن يكون جرانيرو هو اللعب رقم 11 المكمل لتشكيلة مدريد ..

إقتباس


	* بالنسبه للــ ظهير الايسر فهذي نقطة ضعف الريال اللي كنت اتمنى انه تنتهي في الصيف اللي فات بس للاسف

والله كان لي راي في هذا الموضوع و لكن قدر الله وما شاء فعل و الزين ما يكمل ..
يعني تخيل واحد من الثلاثه ( إيفرا / كليشي / فيليبي ) كان معنا مع نهاية الميركاتو ..
لكن أتمنى أن يكون أحدهم في الشتويه و أستبعد الخيار الأول لا للشتويه و لا للصيف ..
كليشي أمنيه أمنيه أمنيه يكون في فريقنا لكن أتوقع إنه من الصعب يكون معنا في الشتويه .. يمكن الصيف ..!!
فيليبي خيار رائع الولد دفاعيا رائع و لا ننسى صغر سنه غير لعبه في الليغا اللي متأقلم عليها ..

إقتباس


	في مبارة اشبيليه الاخيره كشفت حال الظهير الايسر و اعذروني في ان اربط بوجود ( رونالدو او بلاعب جناح ) في وجود لاعب جناح بيكون الضغط على الريال من الاطراف صعب لسبب ان لاعب الطرف بيقمط العافيه و بيحاول يمسك خانته عشان ما يستفيد منها الريال وهذا الشي ما كان موجود في مبارة اشبيليا الاطراف اخذو راحتهم على الاخر في الهجوم وكانو تقريبا بنص الملعب من قوة الضغط و انعدام الحلول للريال

من أسباب تغيير قناعاتي في جلب ظهير أيسر إن رونالدو راح يكون سبب في عدم مهاجمة الخصوم لجهة مارسيلو ..
لكن إتضح مع غيابه إن الفريق على طول كان يعاني ولو إني رحمته اليوم يوم قال كنت ألعب 1 ضد 2 ..
صحيح كلامه لكن هذا ما يعطيه العذر الكامل فيه كم كوره كان دوره و وجوده مجرد تكملة عدد ..
مارسيلو لاعب وسط أيسر أو جناح أيسر غيره اللاعب من ناحيتي مستعد يكون من ضمن المغادرين ..

إقتباس


	مع احترامي لــ ( مارسيلو و درينثي ) اذا كان المدرب يفكر في الاستفاده منهم ( كـ ظهير ايسر ) بكامل الموسم فهذي اعتبرها كارثه

بالنسبه لي ما هي كارثه
فقط اللي نحتاجه في هالوقت هو التعليمات و التنظيم من المدرب ..
مارسيلو لازم يكون فيه أحد يسانده من لاعبي الإرتكاز
و وجود ثلاث لاعبين في وسط الملعب ( 22 / 10 / 24 ) راح يساعد على حل هالموضوع ..

إقتباس


	الانتقالات الشتويه قريبه وفيه اسماء بتطلع من النادي و اتوقع ان فيه لاعبين بيجون للــ الملكي

والله أمام المدرب و الإداره فرصه لمشاهدة الفريق و إيجاد إحتياجاته قبل الشتويه إذا كانوا يريدون جلب ظهير للفريق
مع إعتقادي بأن أربيلوا راح يشغل هالخانه في المتشات القويه لنهاية الموسم ..

يعطيك العافيه حبيب قلبي

و إعذرني على الإطاله و كثر لنا من هالأشياء