هارد لك لكم الخسارة ..

كثيره الردود اللي تغلبها العاطفه اكثر من المنطق..صراحه ما الومكم المباراه
على الورق اقل شي يكون المستوى احسن من كذا بكثير..بس للأسف المهندس
مانو ماا قرأ المباراه صح!

بداية من اشراك قوتي لاعب حر في نص الملعب وتقيد كاكا على الدائره, ضغط
اشبيليا على جهة مارسيلو والمهندس ما سوى اي شي يحل الموضوع
ذكروا الاخوان قبلي, لو اشرك درينثي كـ ظهير ويقدم مارسيلو كـ جناح او اشراك فارت..الخ
بيليجريني كان عنده حلول كثيره بس للأسف علامة تعجب او علامات تعجب
على الطريقه اللي رضخ فيها بيلي لخطورة اشبيليا طول المباراه .

وللأسف ايضا امور حصلت في المباراه مالها اي تفسير , تحاول تجد الفكره
من التبديلات اللي قام بها بيللي بس للأسف .
كان توقعي من بداية الشوط الثاني يطلع قوتي وعلى طول جرانيرو بدون اي تفكير
يعني قوتي لاعب مزاجي وبعد الشد اللي صار قبل نهاية الشوط الأول بربع ساعه
تقريبا قوتي ضاع , مناولات خاطئه , يفقد الكوره بـ نص الملعب بشكل غريب..

الببيتا قدم مستوى رائع تحرك ع الاطراف حاول يعمل مسافات
بس تمنيت اشوفه مع بنزيما , طبعا على اي اساس تم
اخراج كريم بدال راؤول ؟؟؟!! لا تحاول تفكر اريح لجزئيات عقلك..

ممادو ايضا مستوى ممتاز بالنسبه للدقائق اللي لعبها من بداية الموسم ..

استغرب من بعض الردود اللي تكلمت عن الدفاع وان مستواه اسوأ من السئ..
اشوف بيبي والبيول في اغلب عمليات الواحد ضد واحد نجاح كامل لهم..
لكن الخطوره كلها كانت من الأظهره وبسبب سوء مارسيلو دفاعيا وراموس
الشوط الثاني نسى مهامه الدفاعيه في اكثر من لقطه ..

صحيح لسى الوقت بدري للحكم على بيلي بس العود على اول ركزه , مبدا المداوره
تكتيك حلو انك تتبعه لكن بلاعب او لاعبين وبنفس الوقت بدري انك تبدا بتكتيك
زي كذا , اعمل على خطتك الاساسيه وتجانس اللاعبين وابدا بالتكتيك اللي تبغاه بعدين.
اتفق مع بعض الاخوان اللي ذكروا ان للحين ما شفنا التبديلات الناجحه لدى بيليجريني وان شاء الله ما يستمر على السلبيه هذي..

والشئ الايجابي في المباراه انها كانت في وقت مبكر نشوف الاخطاء ونتحاشاها
في المبارايات القادمه..

كاسياس ش نقدر نقوول بس..