إقتباس الرسالة الأصلية كتبت بواسطة الزعيمTMS وعليـكم آلسلآلآمــ بعلق على كم فقره بسس آلي يلبسون آلجـنز آلضيقـ ( سكــني ) يصير حرمه يعني لآ وآلله بآلعكس عآدي بس فيه بعض آلآلوآن يمكن نقول عنهـآ حقت حريمـ يعني جنز آحمر ع‘ ولـد .! مدري كيـف جآيـه طيب بسآلكـ سؤآلـ .؟ آلـحين وش آزين آلكدش و طيحني ولآ آلـحنس .؟! آلكـدش وطيحني آحسن بآلف مرهـ وآلله آلحـنس مآيخلي هندي بآلريآض آلى وهو ضآربه ومهبلبه ويتهآوش مع آلـهنود كثير .! و ريـحتـه و يدخـن ومآفيه كلمـه وصخهـ مآقآلهـآ .! آمـآ آلكـدش وطيحني ,, آكثرهمـ كآفيين شرهم عن آلنـآس آحس آني طلعت وطولت بآلموضع

كلامك رائع

شباب الطيحني مكفوف شرهم و خيرهم وتلقاه مايع ما يقدر يسوي
ازين من يجيك حنس موصلة الاخلاق H !
و ذولا تلقاهم بـ كثرة عند التفتيش !


ويا كثر ما تصير مواقف
قبل كم يوم الظاهر انه يوم 5 شوال وحنا راجعين من القصيم على الصبحية فيه تفتيش وفيه واحد حبيب قال السلام عليكم وعليكم السلام طبعا كان ماشر علينا اننا نمشي اذا كنا مستعجلين
وحنا ما عندنا شيء الشوارع فاضية و حنا اصلا كنا ماشين مع اول طلعة الشمس
وقعد يسولف شوي قال امشوا
يعني الاخو مروق رغم ان الوقت ما يساعد للرواقة
المهم اخوي ماهو هو الي يسوق بس قفلت معه وش يبي ذا الملقوف و مشغلنا طول الطريق

هذا الجزء الاول من القصة والي صارت مع ابوي

بقية اهلي كانوا يبي يرجعون بعدنا ومشوا الساعة 10 و وقفهم تفتيش رغم انهم ما اسرعوا و نزل اخوي يبي ياخذ مخالفة يوم دخل لمهم و حول ياخذ المخالفة يعني كملوا كل شيء اكتشفوا انه تشابه سيارات !!
جديدة هاذي تشابه سيارات !
طبعا بعد الاخذ و العطا اكتشف اخوي ان الي يسجل السرعة حنس و قايلهم ان فيه جمس شفر قمحي مسرع !!
يعني ما شيء اسمه لوحة سيارة

هذا الموقف الاول الي صار لنا والحمدلله اني ماني مع اخوي الثاني لان الاخلاق عندي تقفل على طول

اما الموقف الثاني صار لنا بـ الدمام
وحنا نحمل العفش نبي نرجع للرياض جاك الحنس بـ الددسن ووقف بـ مكان ماهو حق مواقف ( طبعا بـ القبو ) مع ان القبو فاضي !
وطفى السيارة راح لمه الهندي وقاله صديق مكان سيارة ما فيه هنا
قاله وش دخلك اوقف سيارتي وين ما ابي !
قاله فيه مشكل
جاك الحنس و عطاه كف و قعدوا يتهاوشون رحمة الله نزلت على الحنس لان اخوي كان موجود
لان كان فيه 5 عمال يقدرون يمسحون بـ وجه الارض و يعلمونه ان الله حق

بـ صراحة كان ودي ان اخوي ما فكهم كان ودي ان اخوي فازع مع العمال على هـ الحنس !
شيء يقهر يا اخي تخالف و تضرب !
طبعا بالاخير رجع السيارة غصبن عليه بعد ما راح فيه ثوبه لان طب عليه عاملين !
يعني هيط × هيط

وهذا الموقف الثاني واتمنى اني ما طولت
ولا والله لي مواقف كثيرة لو بقولها كان ما خلصنا ابد

اسف على الاطالة