***ماهو رأيك في التنظيم الدفاعي للفريق ؟ وأيضاً ماهو رأيك بسرعة بناء الهجمه والارتداد للهجوم
بتعاون (خط الدفاع - خط الوسط - خط الهجوم) ؟ وهل ترى بأن المدرب وفق في التبديلات التي أجراها ..؟




اول شي هاردلك للجميع التعادل

بالنسبه للمحور الاول التنظيم الدفاعي للفريق مو ذاك الزود للاسف
باستثناء هوساوي والكووري
يعني شفنا اغلاط من الدفاع في التمريرات

المرشدي كم كوره ناولها كلها خاااطئه
والمشكله الاعظم ان التمريرات الخاطئه تكوون في الدفاع
يمكن تمريره وحده خاطئه في الدفاع تنهي لك المباره لصالح الفريق الثاني

الزوري كان غااايب تماااما باستثناء بعض طلعاته وتكون خاطئه
حتى اني بعد المباره افكر الزوري وش سوى؟ ,,,,,

اما سرعه الارتداد ففي وجهه نظري لم يوفق الهلال فيها
هجمه مرتده للهلال الاعب ياخذ الكوره ويدور على نفسه
لان مافيه احد طالعه له اصلا

ويليهامسون اسرع لاعب هلالي
يستطيع الهلال انه يستفيد من الهجمات المرتده من خلال ويليهاامسون

المفروض في ركلات الزاويه ام رميات التماس الي تكون ضدنا
ويليهامسون من المفروض انه يكون في الملعب الهلال(يعني منطقه الثمان طعش يكون خارجها بقليل) لكي يستفيد الهلال من الهجمات المرتده
وانا واثق من جيرتس انه ماراح ينسى هالنقطه...

بالنسبه لتبديلات المدرب كان البعض منها خااطئه

مثلا خروج الفريدي هذا كان خااااطئ تماما
الفريدي كان لاعب نشيط ومسوي ارتباك لفريق النصر

اما تبديل الصويلح بدال المحياني كان ممتاز
البعض يقول لو انه مخرج ياسر ومخلي الصويلح افضل
طبعا هذا اعتقاد خاطئ,, ياسر حتى ولو انه مو في يومه بس انه يسوي دفعه معنويه للهلاليين
وضغط على لاعبي النصر

فلوا خرج يااسر كان مدافعي النصر تقدموا لانه لايوجد لاعب يستحق المراقبه بكل امانه< وجه نظري

المحياني مو لاعب سريع, باستطاع مدافعي النصر ايقافه,, والصويلح مو سريع ايضا


**ماهي أبرز السلبيات والإيجابيات التي دونتها على أداء الفريق خلال المباراة ..؟


الايجابيات للهلال: الثقه الهلاليه ,,, التهيئه النفسيه<< الهلال كا نفسيا متهيئ لولا الهدف الاول للنصر الي لخبط حسابات الهلال
,,,,, الجهه اليمنى كان مقفلها لي يونج بشكل ممتاز< يشكر على ذلك
,,,,, عدم الانانيه من لاعبي الفريق كانت بالفعل نقطه اجابيه راائعه

السلبيات للهلال: عدم استغلال الفرص بشكل جيد,,, اللعب المتنوع,,, عدم التسديد من خارج منطقه الجزاء ,,, فيه مشكله في العمق الهلالي لان المرشدي صرااحه بغى يجيب العيد



ماهو تقييمك لآداء لاعبي الهلال ، ومن هو اللاعب الذي ترى أنه كان من نجوم المباراة ؟
ومن اللاعب الذي ترى أنه لم يقدم المستوى المأمول ؟



الهلال قدم كل ماعنده
لكن الحظ ماحالفه خاااصه ياسر القحطاني ضيع 3 فرص,, لو جاب وحده منها كان المباره انتهت.
الاعب الي كان نجم المباره هم صراحه 4 بس:
رادوي-ويلي-هوساوي_لي يونج

اما الباقين كلهم مش ولابد,,,,,

الاعب الي ماقدم المستوى المأمول: هو ياسر القحطاااني
صراحه ضيع فرص ماتضيع
لكن لازم نوقف معه لانه يمر بضرووف كلنا نعرفها



ماهي رؤيتك الخاصه عن المباراة (( مساحة حره للعضو ))



لولا هدف الاول للنصر كان الهلال حاسم المباره وفاايز

لان هدف النصر الاول لخبط حسابات المدرب واعطى دفعه معنويه للاعبي النصر

ولو نلاحظ اهداف النصر كلها مافيها تكتيك ابد ابد!!!
الهدف الاول بلنتي
الهدف الثاني غلط من ابودعيع<< يفداه الف هدف

يعني كل اهداف النصر مافيها تكتيك,,, اما اهداف الهلال نلاحظ فيها تمرير وتكتيك تحس انهم بذلوا جهد عشان يجيبون هدف

هدف الفريدي مناوله من الوسط الهلال وانطلق الفريدي عدا باالاول وعطاها في الزاااويه

الهدف الثاني الشلهوب نقش كوره للصويلح عطاها صدر احمد وشاتها بالاول ماضبطت.. لكن الحمد الله انه استطاع انه يتدارك الموقف شاتها بالرجل اليمنى وجت قول

..... قبل ما انهي موضووعي اتمنى من جيرتس انه يستمر على التشكيله ذي

وربي قويييييييييييه
بس مثل ماقلت ان اهداف النصر جت من اغلااط
الاهداف مو سببها التشكيله ابد



ان شاء الله وفقت في التحليل

والله يوفق زعيمنا في مباره الوطني يااارب


تحيااتي: الخاااالدي