|
Fifa2010 - قبل لاتشتريه دش ..أنا مراح أشتريه
السلام عليكم
صدمة ..
ألو الي يموت على شي إسمه فيفا مراح يشتريها ؟
أكيد في سبب قوي خلاه يقول هالكلام
أقول
أنا من أول مانزل الديمو كنت أقول حق واحد من الشباب
إن الحارس وايد يجدم عن الخط وإن بسهولة تقط الكرة من فوقه لووب وتدش قول
لكن مع اللعب ماقامت تصير وايد وياي فنسيتها او تقدرون تقولون تناسيتها لأن موقاعد تخرب اللعب بشكل كبير وماتحصل الا بالإنفرادات
لكن
وأنا احوس اليوم بمنتدى فيفا الرسمي ..
لقيت أن الاجانب مسوين مسيرات احتجاج وأعمال شغب بالمنتدى على المطورين
لأنهم لقو قلتش راح يعفس اللعب فوق تحت
شنو أهو القلتش ؟؟
تذكرون الحركة البايخة بــ 2009
إلي تسنتر الكرة وتشووووت وتروح الكرة من فوق الحارس ؟؟
إلحين الوضع صار أخس وأخس
شلون ؟؟
جرب إمسك أي لاعب شويت
أنا أتكلم عن الديمو كوني مجرب الحركة
اخذ مثلا ً هنري .. او ابرا .. أو ميسي .. أو لامبارد .. أو ايسيان
وانت ماسك الاعب روح أي مكان بالملعب .. لو من خط النص ب3 خطوات.. خل اللاعب اتجااه بزاوية 45 درجه ..
وشووووووت وانت ظاغط ار 2 وخل البور مال الشوته يصير فل
عقبها ييب الكرة من الشبك بدون أي نقاش
أو راح ترد من القائم في ما ندر لأن بالغالب راح تدش قول
ولتوضيح قصدي أكثر
شوفو هالفيديوات ووراها روحو جربوا بالديمو
الفيديوات هذي مأخوذه من الديمو GOAL 1 GOAL 2 GOAL 3 GOAL 4 GOAL 5
الحين يمكن واحد ينط يقول يمكن صلحوه بالنسخة الكاملة
أقوله للأسف لأ 
هذي فيديوات من النسخة الكامله واحد مصورها وشوفو المصخره بجيرارد .. حتى موقاعد يشوت صفحه
http://www.youtube.com/watch?v=5agGz...e=channel_page
http://www.youtube.com/watch?v=-sQyx...eature=channel
http://www.youtube.com/watch?v=aVorO...eature=channel
من عقب هالفيديوات كل واحد يحكم .. تبي تاخذ اللعبة وتقزرها بهالحركة كيفك ..
بس أنا ووايد شباب صراحة ماتصلحلنه .. راح تلغي دور التكتيك مره وحده ..
بتصير شغلتنه امسك الكره .. شوية مهارات .. اخلق لك مساحه جدامك .. وشوت وقوول
طبعا ًهالفيديوات ماخذها من منتدى فيفا الرسمي
وهذي إهي المصادر
1-
http://forums.electronicarts.co.uk/f...t-respond.html
2-
http://forums.electronicarts.co.uk/f...shot-flaw.html
3-
http://forums.electronicarts.co.uk/f...-distance.html
وطبعا ً أكو وايد مواضيع بعد لكن مالي خلق أحطهم
في النهاية
أنا كانت عندي ملاحظات عاللعبة وأغلب الشباب كان عندهم ملاحظات
لكن هالحركة أو القلتش البايخ كان مثل القشة الي قصمت ظهر البعير
ومن هنا أعلنها وبكل أسف وحسرة
إني مراح أشتري اللعبة رغم ادماني على 2009
إلاّ في حالة نزل باتش يعدل الخلل
وأدري اللعبة مو واقفه علي ولا على أي واحد .. لكن الواحد يحكم عقله قبل لايقط فلوسه
وسوري على الإطاله لكن من حر مافيني
| 