سلام عليكم
بعـد مـا نزلت المباراة تورينت وشفتها /
أقدر أقول أننا في الشوط الأول قدمنــا مستوى عاادي وبـ هالشوط مـا وصلنا لـ مرمى كركيلاند الا مره و الباقي تسديدات من بعيد وبالنسبة لـ هدف ويجـان فـ هو إمتداد لـ ضعف تنظيم دفـاعنا في الكرات الثابته والركنية و خصوصـا بـ الكرات الي تسمى (second ball) يعني إذا الركنية لعبت كـ تمريرة قصير ثم يتم رفعها داخل منطقة الجزاء (مثل هدفهم الاول) هذي دائماً تسبب لنا قلق لان اللاعبين مراقبتهم ضعيف لـ لاعبي الخصم بـ مثل هالمواقف وشفنا دروقبا يتمشى بينما لاعبهم يجيب الهدف و دروقبا هو المسؤول عن مراقبته ولـ ويقـان كره لعبوها بـ نفس الطريقة بـ هذا الشوط ولكن تشيك تصدى لـها بكل براعة كـ ذلك إيسيان تباطئ لحـظات وكادت تكون الهدف الثاني .
في هذا الشوط اللاعبين كـانوا من دون أي قتالية ولكن فيه لاعبين كانوا فوق هذا سيئين جداً جداً ولا كأنهم موجودين في الملعب وسببوا كوارث ولو أننا نلعب ضد فريق صاحي كـان طلعنـا خسرانين فوق الاربعة بالشوط الاول .
الاول الي هو (جون أوبي ميكيل) الشوط الاول كله مـالعب الا 4 باصات صح بس والباقي كله خطأ أنا عادهم وكل الباصات الصح كـانت لـ زميل قريب جداً وفي التغطية كـان سيء وأحرج الدفاع والاظهرة كثيراً إذا تقدم لاعب من وسط ويقان مـا يغطي معه ويعاني من بطء في اضغط على حامل الكره بالمختصر أسوء مستوى لـ ميكيل من يوم ماعرفته << أعتقد أنه إلى الحين مـافهم لـ انشلوتي
وعلى طاري أنشي يوم شفته بـ أول الشوط الثاني سحب ميكيل و دخل بيللتي (رغم ان متحفظ على هالتغيير) إلا اني صفقت له لانه مستحييل أكمل المباراة وأنا عندي لاعب ((نقص على الفريق))
عمومـاً اليوم افتقدنـا لـ بالاك الي يضيف للفريق شيء مهم وهو التنظيم
اللاعب الثاني / هو كـارافا مستواه في الشوط الاول غريب مرة وتيري يلعب لـ وحدة في قلب الدفاع وصراحة مـا ألومه لانه تشتت بعد مـا شاف مستوى ميكيل السيء لكن في الشوط الثاني تحسن
صراحة تمنيت وجود مورينهو بين الشوطين عشان يغسل شراع اللاعبين
أمــا الشوط الثاني /
في بدايته وبعد خروج ميكيل تحسن وضع الفريق شيء بسيط وقدرنـا نعدل النتيجة وبعدهـا بـ قليل استطـاع مهاجم ويغـان أن يضرب دفـاعنا بـ بـاص ذكي وسريع لـ لاعبهم القادم من الخلف ومن دون رقابه إنفرد بالمرمى وبيتر لا يلام فيها صراحة لو تجيب أفضل حراس العالم وتحطه بـ نفس الوضع كـان اتخذ نفس القرار .
بعد الطرد تمنيت أن آنشي يطلع (أنيلكـا) ويبقي على مـالودا ونلعب بـ
هيلاريو
آشلي ....... تيري ....... كارافا ..... بوسي
ايسيان
لامبارد
مالودا............بيللتي
دروقبا
ومع مرور الوقت يطلع (مالودا أو بوسي أو بيللتي) ويدخل كالوا
وبعد هدفهم الثاني جتنا هجمة خطيرة في الدقيقة 54 وكدنـا نعود للمباراة ولكن الشيخ انيلكـا رفض ذلك الله يهديه .
عمومـاً الفريق أستمر بـ مستواه السيء ولكن الفرق بـ هذا الشوط أن الظروف ضدنـا بـ سبب النقص و لو كـان فريق غير ويغان كـان سجل نتيجة تاريخية .
رغم ذلك كـان فيه مجال نعود للمباراة (لان الفريق المنافس ضعيف) ولكن ...
وبعد خروج آشلي الفريق انهار تمـامـاً والدليل طريقة الهدف الثالث
مباراة للنسيـان زي ماقالوا الشباب وكبوة جواد ان شاء الله أتمنى اني مـا اشوف مثل هالمستوى في القادم من الايـام لان منافسيين ينتظرون سقوط آخر .
هــارد لك ياشباب
