نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - جوع واسى وفقر وعطالة وحاجة (فأصبحك يومك يوم حزن ياوطن لا يوم عيد)

[ رحــال ] · #9 24/09/2009, 10:47 AM

والله جبتها على الجرح يابوي ..
فيه غير حالة هالمتقاعد ناس كثااار .. ناس كانوا فوق و الأسهم خذت ماخذت و راحت ..
اعرف واحد قريب عشان اسمه و سمعته بين أهله تسلف و طلع من بيته الإيجار
اللي كان إيجاره بـ 90 ألف ريال ! و يسكن في بيت تقسيط بمليون و شوي ..
سمعته عند عايلته و قبيلته للحين نفسها .. بس حالته ماهيب نفسها .. ديونه بالمليون
و الله يخلي عياله له و يخليه لهم و راتب التقاعد ..
و غير هذا ناس كثار .. عاطلين و ارامل و عوانس ..
و المشكلة يجيك ناس يخربون على غيرهم بسخافات و الأدهى و الأمّر انهم عيال عوائل وكبيرة ..

شبابنا هاللي طالعين في الشوارع .. وش نرجي منهم !؟
والله الحال ما تسّر .. الحمدلله على كل حال ..
وين هيبة الهيئة !؟ اجل واحد **** يطلع لسانه للهيئة بكل وقاحة !؟
هذي هي الهيئة نفسها اللي ما كان احد يجرؤ يحط عينه على عين رجل الهيئة ..
هذا اللي جنيناه من الإعلام و العلمانية ..

والحين قيادة المرأة و الإختلاط في جامعة الملك عبدالله ..
وش بعد هالحال ؟! صرنا نخاف من المستقبل والله !
بعد 15 سنة وش حالنا ؟! الله يستر اخاف افكر !! ..

الملك عبدالله ما قصّر والله

..
و قبله فهد و خالد وفيصل و سعود .. وطبعًا عبدالعزيز ..
سووا اعمال بالفعل يفخر الواحد فيها وهو مواطن ..
بس حسبنا الله على من حال بيننا و بينهم .. و كان سبب في تغطية الشعب بمظهر " المتشبع الغني "

" جشع تجار و غلاء المعيشة - حال الشباب - رواتب المتقاعدين - ديون الشعب "
وينكم عنها يا الإصلاحيين ؟!!

.
.

اخوي الهلالي أبدعت و اعذرني على الإطالة فبخاطري الكثير