ألف مبروك الفوز .. فوز غالي برآ البيرنابيو وفي أول خطوة لـ الوصول الى السانتيـاغو بيرنابيو ، فيه اشياء كثيرة في المبارة فرحتني .. رونالدو يسجل من فاول .. هيغوين يسجل لأول مرة في التشامبينزليـغ .. راؤول يستمر الهداف الأول لـ البطولة .. عشان مايزعلوا حبايب جوتي .. هدف جوتي خـآآآآلع .. الأشياء الي ازعجتني .. اصابة تشابي الونسو .. وععع تونا ما شبعنا منه وتجيه اصابة .. الهدفين الي دخلت مرمانا .. ولو ان الاول ما فيه ريحة بلنتي لكن الثاني !!! .. لسى نقطة الضعف واضحة في العرضيات حتى مع رجعة بيبي لـ الدفاع .. لازم يشتغل عليها بيلليغريني .. الفريق يلعب كورة كويسة وممـكن كورة عرضية تخليه فريق تـايه ! .. الشيء الأخير الحكم .. اذا جونيـنيو على قولة جهـاد ’ مستر فاول دايركت قول ‘ .. هذا مستر فاول دايركت كرت نعنبوا وجه كل كورة على لاعبيننا فـاول وكرت .. وهم مزعوا فينا ويسولف معهم ملعون الصلايب .. أتوقع اسوء تحكيم على مستوى اوروبا هو الانجليزي ، الشوط الأول .. الفريق لعب بـ آريحية .. البول بوزريشن عـآلي .. احيـان يوصل الفريق الى 20 تمريرة بدون ما يلمسها لاعب سويسري .. مافيه اداور لكل لاعب .. لامركزية رائعة في الفريق ومرتبه .. الونسـو اتوقع اكثر لاعب لمـس الكورة في المبارة .. كل كورة لازم تمر عليه وهو الي يبدأ التوزيع .. فريق اظهر لنا قيمة كبيرة ونوعيـة عالية في الشوط الاول .. 3 أهداف .. بغض النظـر عن هدف رونالدو الفاول .. لكن الهدفين الثانية كانت ملعوبة وفيها تفاهم كبير بين اللاعبين .. خصوصاً رونالدو الي اتوقع انه ’ مـان اوف ذا ماتش ‘.. الهدف الثاني بداية من بيبي .. تحويل الكورة بآرتقـاء عالي وضربة راس محكمة لجونزالو الي ما توفق في الشوته .. وجا راؤول كملها .. الهدف الثاني .. لعبة جماعية انتهت بهدف مجهوده حلو من هيغوين .. رونالدو أكثر واحد لفت نظري .. راهنت عليه قبل المبـارة انه بيبدع وبـ الفعل ما خيب ظني .. الي كان اقل من المستوى كاكا ولكن له العذر كامل .. لعب مبارة كبيرة قبل يومين مع اسبـانيول .. الشوط الثاني .. في البداية وضعنا ما تغير .. توقعت تزيد الغلة الى 6 او 7 اهداف لكن اصابة الونسـو لخبطة اداء الفريق شوي .. و المفروض مثل ما قال طارق في هـ الموقف ينزل جوتي .. بحيث يرجع لاسانا ويكون المحور الدفاعي .. ايضاً فيه فكرة ثانية وهي يلعب بـ جرانيرو .. الولد ممكن يعطينا مستوى حلو في هـ المركز لأنها واحد من المراكز الي يلعب فيها كويس .. جاجو !! .. مستواه عليه علامـات استفهام كثيرة .. اكثر شي لاحظته عليه خسارته لـ الكرة بسهوله .. وهنا يبـان لنا جاجو الممتاز في التسليم و الأستلام و جاجو المحور الي يفقد الشراسة .. عمومـاً اهداف زيورخ كانت في ظرف اقل من 4 دقائق .. فورة فريق متحمس .. قدروا يمتلكوا الملعب شوية دقائق الي كان فيها الريال تايه .. بعدها رجع الريال بشكل جيد لـ المبارة .. امتلك الكورة ولو بنسبة اقل من الشوط الاول .. خلص المبارة او قتلها رونالدو بهدف الفـاول .. ولو فيه 5 دقايق زيـادة ممكن يجي السادس .. عموماً .. الاخطاء موجودة .. والأيجابيات كثيرة .. لازم ناخذ في بالنا ان الفريق في أول مرحلة من الموسم .. مرحلة ما اطالب فيها بـ مستوى قد ما اطالب فيها بنتيجة تنفعنـا في القسم الثاني من الموسم .. الف مبروك لـ الجميع .. وان شاء الله نكملها في الليغا الأسبوع الجاي ونعمـل ريكورد كويس .. قفلـة * المبـارة سجلتها الى الدقيقة 71 .. اي طلب فيها انا حاضر واخوي مستشـار القلوب موجود بعد شوي بأنزل لقطـات الأهداف وكم لقطة طلبتوهـا . قفلـة ** الي صار اليوم وقت المبارة ان شاء الله ما راح يتكرر اتمنى من الجميع الألتزام بقوانين الرابطة .. واتمنى ان ما نضطر نلجئ لـ الأشراف في المرات القـادمة ..
