كلامك صحيح اختي المملكه
اولاً: السقوط يتحملها الجميع بدايه في الإتحاد السعودي الي كابر على إستمرار الجوهر ..وتخبط المدرب بوسيرو في تشكيلته!! وثقافة الاعب السعودي ..كنا نقول انهم لاعبين خبره!! بس وينهم لاعبين الخبره وين القائد..!!
أعتقد لابد من تغيير الفكر الإداري.. الموجود لدى الإتحاد السعودي وليش مايكون الإتحاد السعودي يكون على شكل إنتخابات!! لكل اربع او خمس سنوات !! مايكون حكر على شخصين فقط ..
مالخطاء لما نستعين بـ كوادر اجنبيه تنظمنـا من جميع النواحي من الناحيه الماليه .. مبالغ كبيره مادري تصرف على ايش حتى منشأت سيئه ..!!
وكذالك الإستعانه بإداريين أجانب في جميع اللجان الموجوده في الإتحاد السعودي ..
ونفس الشيء كيف لـ شخص واحد ان يعطي في أكثر من لجنه !!
وهو مو متخصص فيه تشوفين فلان في اكثر من لجنه !!
وتكلمتي بنقطه مهمه وهي العياده النفسيه
بالفعل .. المنتخب يحتاج لطبيب نفسي .. يساعد الاعبين .. على الخروج من الضغط الموجود لديهم
انتي شفتي مقابلة اسامه وذكر ان كان ضغط نفسي كبيرعلى اغلب الاعبين !! من المسؤول عن هذا الأمر .؟؟
يعني هذا بحد ذاتها صدمه مدرب كل سنه !! حتى المدربين الي جابوهم الإتحاد السعودي ماخذينهم من انديتهم في وقت الحصاد!!
واختلف معك في نقطة ان الاعب لازم يكون من جميع اندية المملكه !! بكذا المدرب كم لاعب راح يضمه !! واحنا نطالب المدرب مايتعدا 23 لـ 18 لاعب يتم إستدعاءه !! وين الغلط اذا كان 3 او 4 الانديه هي المميزه وهي الي تصدر لاعبين مميزين!!
عموما لابد من عمل دراسه جديده والإستعداد لـ كاس العالم 2014 .. واعتقد ان هذ الجيل الي لعب لن يلعب مره اخرى ..
ولابد من صناعة فريق جديد ودماء جديده .. شابهـ
ومسألة التخدير وراح ندرس ونخطط مارح يفيد شي لأن ملينا من الصبر نبي نشوف شي
بناء على هذه الدراسات !! ماشفنا الا الفشيله والهزايم !!
اليوم عبر الجوله قالو ان المدرب راح يستمر!
وراح يحاولون يلعبون مع منتخبات قويه في أيام الفيفا.. لأن الـمنتخب ماعنده اي استحقاقات لـ مدة 14 شهر ..!! يعني وش راح يستفيدون الحين لما طلعنا .. بدأت تطلع دراستهم !! وراح يشوفون ..منتخبات قويه يلعبون معها .. ليش ماسو هذا الشي من بداية الإستحقاقات ..!!!
اتمنى ان تكون هذه الهزيمه خير على كرتنا السعوديه ونشوف شي يبيض الوجهه ونتفاخر فيه ومانمشي فقط على تاريخ المنتخب السعودي التاريخ مارح يجيب بطولة !!
شكرا لكـ اختي واسفه ع الإطاله
